پەیاما ڕاستەوخۆیا سەیرانێن لیژنەیێن پـارتـی
بەهزاد بەهرام
سەیران و ئاهەنگێن لیژنە و بارەگایێن پارتی دیموكرتی كوردستان، رۆژ ب رۆژ بەر ب زێدەبوونێ ڤە دچن، د سۆشیال مەدیایێ دا بەرچاڤ دكەڤن، ئەڤ جۆرە سەیران و ئاهەنگە هێزەكا ب هێزتر، بهێنڤەدانەكا كورت، نووبوونەڤەكا نویتر، كاریگەریەكا ئەرێنی ل سەر هزر و بیر و خەیالێن د ناخێ كادرێن پارتی دا دروست دكەت و پێ دبەخشیت، هەروەسا پەیوەندیەكا موكوم دگەل سروشتی و ژینگەهێ و لایەنێ ئیستاتیكی (جوانی) ژ گرنگترین سیما و تایبەتمەندیێن ڤان جۆرە سەیران و ئاهەنگانە، ژبلی خۆرتكرنا پەیوەندیێن هەڤالینی و ئێك خێزانی، تێكەلبوون و هەڤنیاسینەكا نێزیكتر ل سەر كادران ڕەنگ ڤە ددەت، گیانێ هاریكاریێی و ڤیانبلندییێ، رێزگرتن و ئێكرێزی، دلۆڤانی و میهرەبانی ب ئەنجام دگەهینیت، ب بیر و باوەرێن نیشتمان پەروەری و وەلاتپارێزی، هەستا نەتەوایەتی ژ جاران زێدەتر جارەك دن دزڤرنەڤە بۆ سەر كارێ خوە یێ رۆژانە ئەڤە ژلایەكی ڤە، ژلایەكێ دیڤە ئەگەر ب سەرنج و ژیرانە ڤان جۆرە سەیران و ئاهەنگان بدەینە پال شلۆڤەكرن، تێهزرین و تێرامانێ دێ گەلەك پەیام و خالێن مەرەمدار ژێ پەشن و بخوە ڤە دگرن میناكێ نیشاندانا ڕۆلێ پیشَمەرگێن قارەمان د سەردەمێ شۆرش و سەرهلدانان دا، هەروەسا ڕەنج و زەحمەت و ماندیبوونا وان كۆ ب هەروە نەچوویە و ئەڤ سازدانا ڤان سەیران و ئاهەنگان د ڤی كەش و بارۆدوخێ ئازاد و ئارام دا دهیتە كرن بەلگەیە ل سەر بەرهەمێ خەبات و قوربانیدانا وان پیشمەرگە و جوانەمەرگ و عەگیدان، ب كرنۆش، رێزلێنان، سپاسی و سپاسنامەڤە پیشوازییێ لێ دكەن و ب ئەركەكێ نیشتمانی و نەتەوایەتی، كوردبوون و كوردایەتی، ئایینی دزانن0 دیسا كادر و بەرپرس ب ئێك دەست، ب ئێك دل وەكۆ ئێك تیم، دەستپێشخەریەكێ ب شانازیڤە ئەنجامددەن ژ بۆی پاقژراگرتن و پاقژكرن، ژینگەهپاریزی و ژینگەهدۆستی یا سروشت و ژینگەها كوردستانێ كو ئەڤە ب خوە دبیتە خالا گەوهەرا ڤان جۆرە سەیران و ئاهەنگان، كۆ هەر چ پاشماڤە و بەرمایكێن ژ كاركەفتی و ڤەمایێ و كەڤن كۆمڤە دكەن و بۆ جهێ تایبەت و دەستنیشانكری دهێنە هنارتن و فرێكرن، ب ڤێ چەندێ ژی دیمەنێن جوانێن سرووشتێ كوردستانێ هەر ب جوانی و پاقژی دمینن و ناهینە تێكدان و كرێتكرن، دلخوەشی و دلفرەهی، جوانی و بەختەوەری یا هەر سەیران و ئاهەنگەكا دناڤ سرۆشت و ژینگەها بالكێشا كوردستانێ دا، یا د پاقژراگرتن و پاقژكرن، ژینگەهپارێزی و ژینگەهدۆستیا سروشت و ژینگەها كوردستانی دایە.
