سارا کەمال: ب وەرزشێ نەخۆشییا من چارەسەربوو و بوومە یاریزان
تاهر رێكانی
د داخۆیانیهكێ دا سارا کەمال یاریزانا یارییا تایکواندۆییا یانەیا دهۆکێ بۆ رۆژنامهیا ئهڤرۆ دیاركر ژبۆ چارەسەرکرنا ئێشا خوە ب ڕێیا ڕاهێنانان بوو ئەگەر ببیتە یاریزان و ناسناڤان دەستڤە بینیت، ئەوا ئەڤە دهمهکە بهرههڤیێن خۆ دكهت بۆ قارهمانیا ئیراقێ لسهر ئاستێ لاوان کو بڕیارە هەڤڕکیێن وێ ل مهها بهێت باژێرێ نهجهف مێڤاندارییا وێ بکەت.
زێدەتر ناڤهاتی گۆت: سهرهرایی نهخۆشی و ئاستهنگان یا رژدم د قارهمانیا ئیراقێ دا پشکداربم و رێزا ئێكێ ب دهستخۆڤه بینم و بگههمه ناڤ رێزێن ههلبژارتیێ ئیراقێ، دو ساله یاریزانا تایكواندۆیێ مە و پشكداری د دو قارهمانیێن ئیراقێ دا كریه، یا ئێکێ ل رێزا سێیێ هاتم و یا دویێ ل رێزا دویێ دەستڤەئینا، بۆ ئەڤسالە رژدم رێزا ئێكێ بدهستخۆڤه بینم.
ژلایهكێ دویڤه سارایێ دیاركر ئەو دهما هاتیه د ناڤ ڤێ یاریێ دا گهلهك ڕهخنه ژ دهوروبهرێن وێ گههشتنێ ههروهسان نهخۆشیهك ژی ههبوو نەچاربوو قهستا وهرزشێ بکەت ژبۆ چارەسەرکرنا وێ نهخۆشیێ و خۆ ژبیر بكهت، لێ وهسا دیار بوو كو كرنا وهرزشێ و بهردهوامیا وێ بۆ ئهگهرێ نهمانا نهخۆشیا وێ، لهوا پتر خۆ ماندی كر داكو باشتر رۆلێ خۆ د ڤێ یاریێ دا بگێریت.
لدووماهیێ سارایێ ئهو چهند ژی دیاركر ههر جورهكێ وهرزشێ مفایێن خۆ ههنه بتایبهت یاریا تایكواندۆیێ كو د دهلیڤێن تهنگ دا تایبهت كچ دێ شێت بهرگریێ ژ خۆ دكهت بهرامبهر ههر روودانهكێ، سۆپاسیا راهێنهرێ خۆ دكهم كو پالدهرهكێ سهرهكی بوو ئهز بهردهوامیێ بدهمه یاریا خۆ.
