یانێن بەغدا ل وەرزێ بھێت دێ توشی قەیرانێن دارایی بن
ئەڤرۆ نيوز:
ل ماوێ دو سالێن بوری ھژمارەکا یانێن بەغدا ب ھەڤبەستێن ھاشوپی ھەڤبەست ل گەل یاریکەرێن خولا عیراقێ ئیمزاکرن کو کوژمێ ھەڤبەستێن ئەوان زێدەتر ژ ٣٠٠ ملیونا بوون و دبیت ئەو یانە بۆ وەرزێ بھێت توشی قەیرانەکا دارایی بین ئەوژی یانێن نەفت و بەغدا و مسافی ھەردیسان کو ل ماوێ چەندین سالێن بوری بۆ ئێک وەرزێ خولێ زێدەتر ژ دەە ملیاران مەزاختن چو ئەنجام ژی ب دەستخوڤە تومارنەکری نە .
ژێدەرەکێ ژ باژێرێ بەغدا دیارکری یە یانا نەفت بۆ وەرزێ بھێت ھەتانوکە چارەنڤێسی خوە نزانیت کا دێ بوجەیا وێ یا سالا بھێت چەوا بیت زێدەتر ژ ١٢ یاریکەران ھەڤبەست ل گەل ھاتیە ئیمزاکرن ب موچەیەکێ ھەیڤانە کو دبیت ھەڤبەست نە ھێنە دانێ ل ڤێ یانێ و ھەکە ھەبن ژی دێ کێمتر بن ژ ١٠٠ ملیون دیناران ب ھەمان شێوە یانا بەغدا ئەوا ل وەرزێ ئەڤ سالە ھەڤبەستێن وی زوربەیا ئەوان ٢٠٠ و ٢٥٠ ملیونا بوون ، دبیت بلندترین ھەڤبەستا وێ بۆ وەرزێ بھێت ژ ١٠٠ ملیونا دەرباز نەبیت ژبەرکو ئەمانە بەغدا بوو دیارکری یە پشتەڤانیا بەری نوکە بۆ ناھێتە کرن.
ھەردیسان ئەوی ژێدەری ژی دیارکری یە یانێن شورتە و جەویە نوکە د قەیرانەکا لاواز دا بورن ھەڤبەستێن یاریکەرێن خوە ناداینی پشکا دوێ تایبەت یانا شورتە کو رەوشا وێ گەلەک یا لاوازە کو ب رێژەیا ٦٠% ھەڤبەستا یاریکەرێن وی ئەڤ سالە ٢٥٠ ملیون ھەتا ٤٥٠ ملیون دیناران بوون و ھەتانوکە پشکا دوێ ژ ھەڤبەستا یاریکەرێن خوە نەداینی و دبیت بۆ وەرزێ بھێت ھەڤبەستێن وان ژ ٢٠٠ ملیونا دەرباز نەبن .