دهۆك، شاكر ئهتروشی:
دلسوز عهبدوللا، بێژهرا دهنگوباسێن سیاسی ل كهنالێ كوردستان تیڤی، د دیدارهكێ دا بۆ رۆژناما ئهڤرۆ گۆت: ئهڤه پازده سالن ئهز ل ڤی كهنالێ ئهسمانی كاردكهم، ئهز دبینم رۆلێ ژنان دناڤ كهنالێن راگههاندنێ یێ دیار و ئهكتیڤه، ئانكو ئهز دشێم بێژم پێگهههكێ و بهرفرهه دناڤ راگههاندنێ دا داگیركریه، دهربارهی كارێ من ژی وهك راگههاندكار رێگری ل من نههاتیه كرن و ههردهم هاریكار و پشتهڤان دزۆر بووینه.
دلسۆز، كو ژبلی كارێ راگههاندنێ ماموستایا زمانێ ئنگلیزی ژی یه، هێشتا گۆت: راسته جوانی ههتا رادهیهكی یا گرنگه بۆ وێ كهسا ل سهر شاشێ دهردكهڤیت، بهس ئهڤه رامانا هندێ نادهت كو بهس جوانی پیڤهرێ سهرهكیه، بهلكو بۆ ئافرهتێ رهوشهنبیری و هشیاری دگههاندنا پهیامی دا بشێوهكێ دروست گرنگتره ژ رۆخسار و دێمێ وێ، بۆ زانین گهلهك جاران هندهك كار یان پرۆژه بۆ من هاتینه، لێ ژبهركو كارێ من یێ راگههاندنێ بۆ من گرنگتره من بڕیاردایه دێ بهردهوامبم و دهست بهردای نابم.
ل دووماهیێ گۆت: وهك ژنهك كو ئهڤه ههڤده سالن ئهز دناڤ راگههاندنێ دا كاردكهم، چو پێ نهڤێت رۆژێن خۆش، ههروهسا یێن سهخت و نهخۆش ژی ب سهرمهدا هاتینه و مه ههموو بۆراندینه، دهربارهی زارۆكێن خوه ژی ههكه ل پاشهرۆژێ وان بڤێت بهێنه دناڤ كارێ راگههاندنێ دا دێ پشتهڤانبم و هیڤیا من ئهوه ههموو ئافرهت، ژوانا ئافرهتێن میدیاكار ب ههموو مافێن خوه شاد ببن.
نيشاندان