زاخۆ، دلۆڤان هالۆ:

ڕاوێژکارەکا هەڤژینیێ د دیدارەکێ دا بۆ ڕۆژنامەیا ئەڤرۆ دیار کر کو هەڤژینی وەکو گولێ یە بدەستڤەئینانا وێ بتنێ نە یا گرنگە، بەلکو دڤێت مرۆڤ بزانیت چاوا وێ گولێ بهێلیتە گەش و نەچرمسیت و گرنگیێ پێ بدەت و گۆت؛ گرنگیپێدانێ ژی چ پارە لێ ناهێته مەزاختن.

دەروونناس و ڕاوێژکارا هەڤژینیێ، مەهناز قوبادی دیار کر کو پشتی ماوەیەکێ ژ پێكئینانا ژیانا هەڤژینیێ هندەك ژن و زەلام هەست ب وێ چەندێ دکەن کو ئێدی ئەو ڤیان و حەزژێکرنا بەری هەڤژینیێ د ناڤبەرا وان دا نەمایە و دلێ وان ژ ئێك سار بوویە و گۆت؛ ئەڤ چەندە ژی یا دوورە ژ ڕاستیێ، گازندەیا زۆربەیا ژن و زەلامان ئەوە دبێژن هەڤژینێ من یان هەڤژینا من گرنگیێ ب من نادەت و حەزژێکرنا خۆ بۆ من نا دەربڕیت و پەیڤێن حەزژێکرنێ نابێژیته من.
مەهنازێ، ئاماژە ب وێ چەندێ ژی کر کو ڕاسته پشتی پێکئینانا ژیانا هەڤژینیێ هێدی هێدی ئەو حەزژێکرنا بەری هینگێ پیر دبیت لێ ژناڤ ناچیت و گۆت؛ ل شوینا حەزژێکرنێ دبیتە ڕێز و حورمەت و باوەری و دهەڤدوو گەهشتن.
دەروونناس مەهناز قوبادی گۆتژی؛ پشتی هەڤژینیێ ئەرکێ زەلامان زێدەتر دبیت، ل دەمێ ژنەك دچیته د ژیانا زەلامی دا ئەو ژنە چاڤەرێی گەلەك تشتایە ژ زەلامێ خۆ، لێ ئەگەر ئەو تشتە بۆ نەهاتنە کرن ژن هەست ب وێ چەندێ دکەت کو هەڤپشکێ ژیانا خۆ ب شاشی هەلبژارتیە و نە ئەو کەسە بوو یێ وێ ئەڤ هزرە بۆ دکرن.
دەروونناسێ د بەردەوامیا ئاخفتنێن خۆدا گۆت؛ هەڤژینی وەکو گولێ یە بدەستڤەئینانا وێ بتنێ نە یا گرنگە بەلکو دڤێت مرۆڤ بزانیت چاوا وێ گولێ بهێلیتە گەش و نە چرمسیت، لەورا دڤێت ژن و زەلام پێکولان بکەن ب دەربڕینا هەست و سۆزێن خۆ و گۆت؛ حەزژێکرنا خۆ بەردەوام بهێلنە ساخ، ڤێ چەندێ ژی چ پارە لێ ناهێته مەزاختن چونکی دەربڕینا حەزژێکرن و ڕێز و حورمەت و گرنگیپێدانێ بێ بەرامبەرە”.

هەرهین محەمەد:

لژێر دوریشمێ‌ (كوردستان و راگەهاندنا سەردەم )ناڤەنداخانی یارەوشەنبیری و راگەهاندنێ‌ سێیەمین فێستیڤالا خانی خانی دوەرزێ‌ پایزێ‌ دا گێرا كو تێدا چەند پەنەل هاتینە كرن و بەحس ل جڤاك و كەلتور و زمان و میدیا سەردەم و ژێریا دەستكرد هاتەكرن.

د. عارف حیتو، وەكو مێهڤانێ‌ سێیەمین فێستیڤالا خانی گۆت: فێستیڤالا خانی ژوان فێستیڤالایە یێن كو دهۆك هەموو شانازیێ‌ پێ‌ دبەت و ل سالا 1996 ئێكەم فێستیڤال هاتەگێران بناڤێ‌ فێستیڤالا خانی و هەرچەندە ئەڤ فێستیڤالا نوكە دهێتە گێران نەدرێژی پێدانا وێ‌ فێستیڤالێ‌ یە و ئەڤ هەر سێ‌ فێستیڤالێن دی یێن ناڤەندا خانی نە فێستیڤالەكا باشە ژ كومەلا لایەنان ڤە و لایەنێ‌ ئێكێ‌ خرڤەكرنا پرانیا رەوشەنبیرێن كوردستانا باشور و رەوشەنبیرێت پارێزگەها دهۆكێ‌ و هەموو ئیدارەیێن سەربەخۆ و قەزا و ناحیان و پاشی خرڤەكرما رەوشەنبیرێت هەرچار پارچێن كوردستانێ‌ ل پارێزگەها دهۆكێ‌ و ئەڤ خرڤەبوونە هەكە تشتەكی بگەهینتیان هەتاكو هندەك پەنەلان بكەت، یان نەكەت دبیتە ئەگەرێ‌ ئالوگوركرنا كومەكا پێزانینان و چەمكێن جڤاكی و هەربهایەكێ‌ هەی ژ جهەكی بۆ جهەكێ‌ دی و ئەڤ چەنەژی پارچێن كوردستانێ‌ نێزیكی ئێك دكەت گۆت: ئەڤ سالە فێستیڤالا خانی پتر تەكەز ل سەر راگەهاندن و پێگەهاندنێ‌ كری و راگەهاندن و سوشیال میدیا نوكە دژیانێ‌ دا یابوویە بابەتێ‌ سەرەكی یێ‌ هەموو جڤاكێن دونیایێ‌ فێستیڤالەكا وەسا كومەكا شازدە پەنەلان پێشكێش بكەت و هەكموو پەنەل گرێدای سوشیال میدیایێ‌ بن و چاوانیا بكارئینانا سوشیال میدیایێ‌ ژ بۆ خورتكرنا كەسایەتیا كەسێ‌ كورد بۆ خورتكرنا شارەزایێ‌ كەسێ‌ كورد و كادێ‌ چەوا پەیامێن ئاراستەكری و یێن نەرێ‌ پارێزت و ئەڤە وەكو خولەكا راهێنانا خورتكرنا كەسایەتیێ‌ ڤە دهێتە بكارئینان و دیسان چەند پەنەل ژی گرێدای ژێریا دەستكرد بووینە و ژێریا دەستكرد ژی وەكو سپرایزەكێ‌ یە بۆ جیهانێ‌ هەموویێ‌ چێبوویە و خەلك هەموو پێ سەرسورمان بووە و ئەو ئامادەبووین ل فێستیڤالێ‌ ئامادە بووین ب شەوق و عەشڤ ڤە دێ‌ پشكداری ئەڤان پەنەلان بن، چونكو هەتا نوكە نهێنیت ژێریا دەستكرد لنك مە نە دئاشكەرانە.

برهان بەرزنجی، هەلبەستڤان و نڤیسەر گۆت: ناڤەندا خانی یا رەوشەنبیری و راگەهاندنێ‌ شیا هەموو ئەدیب و رەوشەنبیرێن هەرچار پارچار پارچێت كوردستانێ‌ د سیەمین فێستیڤالا خوە دا كومڤەكەت و ئەڤە پێنگاڤەكا گەلەكا باشە و دەوروبەرێن مە هەموو قەیرانن و شیا ئالایێ‌ رەوشەنبیری بلند كەت و مێشكێ‌ هەموو كوردو ئەدیب و رەوشەنبیران كومڤەكەت و پێنگاڤەكا نوی یە و بۆ ژیانەكا نوی و ئەدەبیاتەكا نوی ل مە كومڤەكە تە ڤە و پێنگاڤێن مە بەرب سەركەفتنێ‌ ب بەت و بلند راگرتنا كوردستانێ‌ ژلایێ‌ بلند راگرتنا ژیان و راگەهاندن و كوردستانا مەیە.
هندرین، وەكو رەوشەنبیرو نڤیسەر لدور سێیەمین فێستیڤالا خانی دبێژیت: ناڤەندا خانی ناڤەندەكا گرنگە و بەرپرسیارەتیەكا مەزن یا وەرگرتنی دەربارەی نڤیسین وئەدەب و كەلتورو زمان راگەهاندن و میدیا و رۆژنامە نڤیسان و دهەموو بواران دا یا سەركەفتی بوویە و دئەڤێ‌ فێستیڤالی دا ئەم پشكدارین و ژ هەرچار پارچێن كوردستانێ‌ دپیشكدارن و گرنگیا خوە یە و دانوستاندنەكە ژ بۆ چارەسەركرن و گەهشتنا ئارمانجان بزانین ئاستەنگ و چارەسەری چنە و دئەڤێ‌ فێستیڤالێ‌ دا بیرو بۆچوونێن نوی یێن هەموویان فێستیڤالێ‌ دا دهێنە دان و دئەڤی كاری دا بەرپرسیارەتیەكا مەزنە و باوەردكەم دێ‌ سەركەفتنێ‌ ئینت زێدەتر گۆت ئەو پەنەلێ‌ ئەز من تێدا پشكداری كری بەشەكە ژمیدیایێ‌ و بەشەك گرێدای ژێریا دەستكرد و كارتێكرنا وێ‌ و هەروەسا پشكداری پەنەلەكێ‌ دی مە دبوارێ‌ راگەهاندنا كوردی ژلایێ‌ سیاسی ڤە و ژبەرهندێ‌ ئەڤی بارودوخی میدیا كوردستانێ‌ تێدا و پێدڤیە دانوستاندن ل سەر بهێتەكرن ژلایێ‌ سیاسی و جڤاكی هتد…. و بزانین گوتارا كوردستانی چییە دمیدیایی كوردی دا.
گەوهەر فەتاح، وەكو نڤیسەرو هەلبەستڤان ژ رۆژئاڤایی كوردستانێ‌ پشكداری سێیەمین فێستیڤالا خانی یە و گۆت: ئەڤە بۆ جارا دووێ‌ یە پشكداری فێستیڤالا خانی دبم و ئەڤ سالە ژی وەكو هەلبەستڤان و نڤیسەر پشكداری پەنەلەكی بووم و تێدا بەحسێ‌ ئەدەبیاتا كوردی دكر و پەنەلێ‌ سەرنجا من گەلەك كێشایی پەنەلێ‌ مامۆستا دەنیزی بوو كو گرێدای فلكلۆرێ‌ كوردی دكر كو چو گوهداری بۆ نینە دبوارێ‌ میدیایێ‌ دا و ئەزژی دئەڤی بابەتی دا كاردكەم، لەورا من حەزژێكرو ئەم كورد ژی گەلەك د دەولەمەندین ب فلكلورێ‌ خوە و ئەم هەموو ژی دزانین زمانێ‌ مەیێ‌ پاراستیە ب تایبەتی فلكلۆرێ‌ كوردی ب تایبەتی دەنگبێژی و ئەو بەری نوكە ستران دگۆتن و ژ نفشەكی بۆ نفشەكی هاتیە ڤەگێراندن و ڤە گوهاستن و هەتا كو گەهشتیە مە و هاتیە پاراستن، بەلێ‌ مخابنی ڤە ئەو گوهداری بۆ نینە و هیڤی دكەم پشتی فێستیڤالا خانی گوهدار بۆ چێبن و بۆ ئەڤێ‌ چەندێ‌ ژی كەسێن بسپورو شارەزا پێدڤێن و گەلەك جاران هندەك كار هەنە دەمێ‌ بسپورو شارەزا پێنەرابن چو مفا بۆ نینە گۆت: سێیەمین فێستیڤالا خانی گەلەك ب رێكوپێكی دبینم و سال بۆ سالێ‌ ب رەنگەكێ‌ نمونەیی یا دهێتە پێش و ئەو مامۆستایێن پەنەل ب رێڤەدبری پەنەلێن وان گرێدای جڤاك و زمان و چاندا كوردی بووینە.
روزار ئەحمەد، وەكو هەلبەستڤان و رەخنەگر بۆ ئێكەمین جارە پشكداری سێیەمین فێستیڤالا خانی دبیت و دبێژت: گێرانا فێستیڤالا گەهاندنا هزرو بیرو بۆچوونایە و پەیاما راگەهاندنێ‌ ژی هەیە یا پەسەندكری نەبیت ژلایێ‌ وەرگری ڤە نابیتە پەیام و خەلەكەكە دناڤبەرا نینەو وەرگری دا و پێكڤە دگرێداینە و دێ‌ چەوان گرێدای ئێك بن ب پەیامەكا راست و دروست و پوخت و هەردیسان گرێدای رێزمانەكا كوردی بیت و رێنڤیسەكا كوردی و پەیڤێن رەسەن یێن كوردی بن و ب دیتنا من ئەگەر راگەهاندكار كومەكا پێزانینان نەدەتە وەرگری چو جاران نابیتە راگەهانكار و ناهێتە پەسەندكرن و دڤێت شیانێت راگەهاندنا كوردی بگەهیتە وی ئاستی كومەكا پێزانینێت نوی بدەتە وەرگری و بۆ وان كەسان ییێن كو چاڤەری تشتەكی نوی نە و گۆتژی: ئەم وەكو جڤاكێ‌ كوردی بتنێ‌ فێری دەستخۆشی و سوپاسیان بووینە و ئەڤە كێشەیە و گەلەك جاران دبینم رەخنە بوویە(مجامەلە) و بەحسێ‌ تشتێن گرنگ ناهێتەكرن و بتنی ل كناران بەحس دكەی.
خسرو جاف، وەكو هەلبەستڤان و نڤیسەر گۆت: ناڤەندا خانی هێمایەكە دناڤ ئەدەبیاتا كوردی دا كو سالانە ئەڤێ‌ فێستیڤالێ‌ دگێرن و ئەز وەكو كوردەك شانازیێ‌ ب ئەڤێ‌ فێستیڤالێ‌ دبەم، چونكو خانی بوویە ئەگەر رەوشەنبیرو ئەدیب و زمانزان دئەڤێ‌ فێستیڤالێ‌ دا گەهاندینە ئێك و ب گرنگی دبینم نەبتنێ‌ ل دەڤەرا بەهدینان فێستیڤالا خانی بهێتە گێران، بەلكو ل دەڤەرا سوران ژی فێستیڤالاخانی بهێتە گێران، چونكو ناڤەندا خانی سەرمایێ‌ مللەتی یە و گرنگە هەموو كورد ل سەرگێرانا فێستیڤالا خانی د ئاگەهداربن.

سالار محەمەد دۆسكی:

3- 3

ل باژێرێ‌ هەولێرێ‌ من دو وێنەیێن بارزانی دانان و(سەیق سورچی) یێ‌ ئاگەهدارە وی دەمی ئەندامێ‌ لقێ‌ بوو و وێنەك ل چاریانا هاڤینگها سەلاحەدین من دانا و ئێك ل بارەگایێ‌ لقێ‌ نەه یا ئاكرێ‌ من دانا وێنەك ل سەر بانێ‌ بانكا رافیدەین ل دهۆكێ‌ و ێك لقێ‌ ئێك و ئێك ل سەر رێكا دەسپێكێ‌ وەكی مرۆڤ دگەهیتە باژێرێ‌ زاخوە من دانا و بنێ‌ وێنەی نافێ‌ من هاتبوو نڤێسین وەك دیاریا ناتق ئاكرەیی و ئەڤە چالاكیێن من بوو ل سالا سەرهلدانێ‌ و پشتی سەرهلدانێ‌ هەتا سالا 1993 و هەتا نوكە ل سەر ڤێ‌ رێبازێ‌ دبەردەوامی و خزمەتا گەل و وەلات و نشتیمانێ‌ خوە دكەین، و خەلك بنەمالا مە نیاسیت ل سەر ئاستێ‌ دەڤەرا ئاكرێ‌ و هەمی كوردستانێ‌ ژی.
ناڤبری ئەو ژی گۆت: پشتی سەرهلدانێ‌ و ل سالا 1993 ژی بیرا من دهێت بهایێ‌ 300 هزار دیناران من ئەرزاق پێشكێشی خزانێن شەهیدان كر و كاك سەباح بەیتوللا ل سەر ڤێ‌ چەندێ‌ شاهدە و دیسا وی دەمی رادیو و تەلەڤزیوونێ‌ ژی ئەڤ چالاكیە هاتە خواندن و دیسا مەكی ئامێدی ل تەلوڤیونا دهۆكێ‌ دووبارە نووچە خواندن و ئەڤ ڤیدیوو نوكە ل ئەرشیفێ‌ سازیێن راگەهاندنێ‌ هەنە و ئەڤە نەبیتە مەتحە و من بۆ مللەتێ‌ خوە كریە و نەیێ‌ پەشێمانم، و هەمان دەم ل سالا 1994 كاك (حەبیب كەلەش) یێ‌ ساخە و شاهدە ل سەر ڤێ‌ چەندێ‌ وی دەمی سێزدە هزار و دوسەد دولارێن من وێرێ‌ بوون و هاتمە گازیكرن و گۆتن كاك ناتق مە بناڤێ‌ تە هەشت هزار دولار بۆ بچێن شەهیدان وەك دیاری پێشكێشكرینە و من گۆتێ‌ باشە.
ناتق ئاكرەیی ئەو ژی گۆت: پشتی سەرهلدانا پیرۆزا 1991 و دەسپێكرنا شەرێ‌ چەسپاندنا قانوونێ‌ وەك ئێك ژ رێكخستی و ئەندامێن پارتی دیموكراتی كورستان و خودانێ‌ كومپانیەكێ‌ بهایێ‌ (300 هەتا 500) هزار دولاران من ئەرزاق بو نڤێسینگەها سەرۆكی ڤەگوهاست و ب هاڤێتنا ڤێ‌ پێنگاڤێ‌ پارتی دیموكراتی كوردستان گەلەك مفا ژێ‌ وەرگرت و پشتی ئەڤ كارە من ئەنجامدایی رێكا شەقلاوا هاتەگرتن و ئەگەر ئەڤ كارە من پێشتر ئەنجام نەدابا دا كەڤینە دئاستەنگەكا مەزن دا و ریك هاتبوو گرتن دناڤبەرا مە و دهۆكێ‌ داو رێكا شەقلاوێ‌ هاتبووگرتن و ب ئینانا وی ئەرزاقی كەیفا نڤێسینگەها سەروكی وی دەمی گەلەك پێ‌ هاتو سوپاسیا من هاتەكرن، وی دەمی (فازل بەرواری) ل ژوورا بارزگانی بوو گۆت دڤێت هەر بازرگانەك كوژمەكی وەك دیاری پێشكێش بكەت، و هەر ئێك بازرگانەكی كوژمەكێ‌ پارەی پێشكێشكر وی دەمی من 200 هزار دینارێن سویسری پێشكێشكرن و فازل بەرواری شاهدە و ئەڤە ل دووف راسپاردێن فازل میرانی بوو بەلێ‌ مە پێشكێشی كاك فازل بەرواری ل ژوورا بازرگانیا دهۆكێ‌، سوپاس بۆ خودێ‌ ل سنورێن لقێن(1، 2،4،9) ل ناوچێن حزبی و رێكخكراێن (ئافرەتا، قوتابیان، لاوان، قوتابیان) من چ جارا كێمتر خەمی نەكریە و من ب مالێ‌ خوە خزمەتا ئەڤان سازیێن حزبی هەمیان كریە و بێ‌ جوداهی، بیرا من باش دهێت دەمێ‌ كاك (تەمەر رەمەزان) بوویە بەرپرسێ‌ ناوچا زاخو ل پشتی سەرهلدانا پیرۆز ئەم شیاین چەندین هاریكاریا پێشكێشی لژنا زاخوە بكەین، وی دەمی نڤێسینگەها من یا ئێكانە بوو ل باژێرێ‌ زاخوە و هەر چ نڤێسینگەهێن دی نەبوون.
ناتق ملا عزو ئاكرەیی زێدەتر گۆت: پشتی سەرهلدان پیرۆزا ئێكەم ئاهەنگا نەوروزێ‌ ل باژێرێ‌ ئاكرێ‌ هاتەكرن و لژنەكا سەرپەرشتیێ‌ هاتە دروستكرن و ئەز ژی ئێك ژ ئەندامێن لژنێ‌ بووم و لژنە ژ هەمی ئەندامێن بەرەیی كوردستانی ل دەڤەرا ئاكرێ‌ پێك دهات ئانكو هەر هەمیان نوونەرێن خوە دناف لژنێ‌ دا هەبووینە وەك نوونەرێن پارتی دیموكراتی كوردستان ئەز و سەباح بەیتوللا، ئەنوەر شەعبان، عزێر فەتحوللا، عزیز جومعە بوو كومەكا كەسایەتێن چالاكڤانێن پارتی ل دەڤەرێ‌ دناڤ دا بووین و ب رێڤەبەریا كاك (فازل میرانی) بوو و ئەم شیاین گەلەك هونەرمەندا داخواز بكەین، بۆ دیرۆك دێ‌ بێژم و خەلكێ‌ دەڤەرێ‌ ژی هەر هەمی شاهدن هەر هەمی مەزاختیێ‌ ئاهەنگێ‌ ژ هونەرمەندان بگرە و گرتنا ترۆمبێلان بۆ ڤەگوهاستنا خەلكی و هەر چ مەزاختیێ‌ ل ئاهەنگێ‌ هاتیەكرن من ب ستویێ‌ خوە ڤەگرتن و تشتەكێ‌ پیرۆز و بیرا من دهێت پشتی ئاهەنگێ‌ كاك (فازل میرانی) بانككرم و گۆت كاك ناتق تەگەلەك كر و مە نوكە چ نینە ئەم هاریكاریا تە بكەین و كاغەزەك دامن بۆ دەف حەمید عەلی و نێچیرڤان ئەحمەدی ل سنورێ‌ لقێ‌ ئێك و گۆت هەرە بلا پاسپورتەكێ‌ بدەنە تە بخوە هاتن و چوون بازرگانیێ‌ ل توركیا بكە و ئێكەم هاتن و چوونا من یا وەلاتێ‌ توركیا بڤی رەنگی بوو و من دەست ب بازرگانیێ‌ كر.
ناتق ئاكرەیی ئەو ژی ئاشكراكر كو ل سالا 2022 و ب هەلكەفتا سال رۆژا دەسپێكرنا شۆڕەشا ئیلونا مەزن چەندین كەسایەتیێن دەڤەرێ‌ رێزلێ‌ هاتەگرتن وب یسامەكا بارزانیێ‌ نەمر هاتنە خەلاتكرن گۆت: ئەژی ئێك ژ ئەوان كەسان بوویمە یێ‌ ب ڤێ‌ هەلكەفتا پیرۆز هاتیمە خەلاتكرن و رێز ل خەبات و بەرخوانا من و بنەمالا مە هاتیەگرتن و دیسا ئەڤ خەلاتكرنە ژ بەر وێ‌ ئەوان بزاڤ و چالاكیێن مە بوویە ل سەر ئاستێ‌ ئەورۆپا و تایبەت پشتی سەرهلدانا پیرۆزا 1991 و هەتا نوكە و ئەو كەسێ‌ خەلات پێشكێشی من كری ب شانازی ڤە پێشمەرگەكێ‌ شۆڕەشا ئیلۆنێ‌ بوویە و ب بەرهەڤبوونا نوینەرێ‌ حوكمەتا هەرێما كوردستانێ‌ و بەرپرسێ‌ لقێ‌ شەش یا پارتی دیموكراتی كوردستان و دیسا ب بەرهەڤبوونا عەمید سەحەد قادر پەهلەوانێ‌ باژێێ‌ كەركووكێ‌ و رۆلێ‌ ویێ‌ پێشچاڤبوو.
ل دووماهیێ‌ ناتق ملا عزو ئاكرەیی گۆت: داخازێ‌ ژ هەمی گەنج و تولازێن مللەتێ‌ خوە دكەم بەردەوام بن ل سەر رێبازا بارزانیێ‌ نەمر و باش ب پارێزن و كار بكەن بلا گەندەلی دناڤ مللەتێ‌ مەدانەمینت و چاڤێ‌ مە ل ئێك و دو بكەین و ئەم هەمی گوهداری یا مەرجەعێ‌ مللەتێ‌ كورد جەنابێ‌ سەرۆك (مەسعود بارزانی) بكەین و ب هیڤی نە ل بن سیبەر و راسپاردێن جەنابێ‌ وان دێ‌ مللەت گەهیتە هەمی هیڤی و ئومێدێن خوە و خودێ‌ مللەتێ‌ مە ژ هەر زولم و ستەمەكێ‌ ب پارێزیت.