ئهڤرۆ نيوز:
چهندهكێ بهرى نوكه شاندێ پارتى ديموكراتى كوردستان گههشته بارهگايێ سهرهكى يێ ئێكگرتوو ئيسلامى كوردستان و كۆمبوونا وان ههردو لايان دهسپێكر.
شاندێ پارتى ژ لايێ فازل ميرانى، سكرتێرێ مهكتهبا سياسى يا پارتى دهێته سهرۆكاتيكرن و ژ لايێ سهلاحهدين بهائهدين، ئهميندارێ گشتى يێ ئێكرگتوو ئيسلامى كوردستان ڤه هاته پێشوازيكرن.
ههر ئهڤرۆ شاندێ پارتى ل گهل كۆمهلا ئيسلامى كوردستان ژى كۆمبوو و دپرێس كۆنفرانسهكێ ههڤپشك دا ل گهل فازل ميرانى، عهلى باپير، ئهميندارێ گشتى يێ كۆمهلا ئيسلامى خۆشحاليا خوه ب سهرهدانا شاندێ پارتى دهربڕى و رگههاند كو پارتى “مێژوويهكا درێژ د خهباتێ دا ههيه و سهرهدانا وان بۆ لايێ كۆمهلێ بهلگێ وێ چهندێ يه كو بهرپرساتيهكا زێدهتر ههلدگريت”.
ئەڤرۆ نیوز، نەوزاد ھلۆری:
پشتی کو چەند روژێن بوری خەلکێ دەڤەرا شێلادزێ و دێرەلۆک خوەنیشاندان ئەنجامدایی و ھێرشی سەر بارەگایێ تورکیا ل سیریێ کری، کارتێکرنەکا زور ل سەر رەوشا ئابووری و بازارێن دەڤەرێ کریە، وەلاتی و خودان بازار دخوازن خوەنیشاندانێن توندوتیژ دووبارە نەبن، بەلکو بلا ب ئارامی داخوازیێن خوە بگەھینن.
شینوار شیمال، وەلاتیەکێ دەڤەرێ یە دیارکر کو ئەڤە نێزیکێ چوار رۆژایە ژبەر خوەنیشاندانان رەوشا دەڤەرێ وەکو بەرێ ب خوشی و زەوق نینە و گۆت: (لاوازبوونا بازاری و کارتێکرنێن ل سەر وێ ھەموو دزڤرن بو خوەنیشاندانان، دیسان ژبلی بازاری کارتێکرن ل سەر ھندێ ژی ھاتیەکرن کو خەلک قەستا سەر گوندەوارێن خوە و ھاڤینگەهـ و جھێن گەشتوگۆزاریێن دەڤەرێ ژی بکەت، چونکی بوردومانا فروکێن تورکیا زێدەتر بوینە و خەلک وەکو بەرێ زێدەتر دترسیت، ژبەرڤێ دخوازین کو ھەموو لایەک ھەڤکاربیت بو پاراستنا ئارامیا دەڤەرێ).
سەمیع سەدیق، ئەو ژی وەلاتیەکێ دەڤەرێ یە دبێژیت: (ھەر خوەنیشاندانەکا توندوتیژ بھێتەکرن ھەلبەت دێ کارتێکرن لسەر رەوشا دارایی و ئابووری و بازاری کەت و بیتە ئەگەرێ ھندێ کو لاوازی بکەڤیتە کاروبارێن خەلکی و کرین و فروتنێ و سەرەدانێن جڤاکی و ھەتا دوماھیێ، دەستکەفتنا کاری دێ ب زەحمەت کەڤیت و خەلک نەشێت وەکو بەرێ ب ئارام دلخوش ھاتنووچۆنێ بکەت).
ھەرمان عەلی، خودانێ ئێک ژ بازارێن دەڤەرێ یە دیارکر کو ئەڤە ژ روژا خوەنیشاندان دەست پێ کری ئەو ھەست ب لاوازیا بازاری دکەن و گۆت: (گرنگە خوەنیشاندان بھێنەکرن ب تایبەتی ئەگەر بزانن ئەنجامێن ئەرێنی دێ سەر باشترکرنا ژیانا خەلکی و بھێزکرنا ئارامیا دەڤەرێ ھەبیت، بەلێ ئەگەر دێ ھەر زیان ھەبن و ئەمن و ئاسایش تێکچیت و لاوازی کەڤیتە بازاری و خەلک ترسیت وی دەمی نەھێنەکرن باشترە).
زێدەتر گۆت: (پێدڤی یە لایەنێن شولەژێ بو باشترکرنا رەوشا ژین و ژیارا خەلکی و ئارامیا دەڤەرێ و دووبارە ڤەگەراندنا رەوشا بازاری و دەلیڤێن کاری و ئابوورەکا باش پێنگاڤێن گرنگ بھاڤێژن، چونکی ئەڤ خەلکە ژی ھەر کوردن و خودان خەبات و قوربانیدانن و زولم و ستەمێن زور لێ ھاتینەکرن و نابیت مایتێکرنێن سیاسی لسەر بھێنەکرن بەلکو دڤێت ھەموو ئالیێن سیاسی پێکڤە کار بو باشترکرنا رەوشا خەلکی بکەن).
ئهڤرۆ نيوز:
شاندهكێ پارتى ديموكراتى كوردستان ب سهرۆكاتيا فازل ميرانى، سكرتێرێ مهكتهبا سياسى يا ههرێما كوردستانێ، گههشتنه بارهگايێ كۆمهلا ئيسلامى كوردستان ب مهرهما دانوستاندنێ ل سهر كابينا نوو يا حوكمهتا ههرێما كوردستانێ.
بەرپرسەکێ پارتی ژی دیار کریە کو پارتی دڤێت حوکمەتەکا بهێز ئاڤا بکەت و ژ بەر هندێ ژی دێ سەرەدانا هەموو ئالیێن سیاسی یێن کوردستانێ کەت دا نێرینێن وان ژی ل دۆر کابینا نوو یا حوکمەتێ و پرسێن هەی وەربگریت دا بشێت باشترین چارەسەری بۆ هەموو پرسان پەیدا بکەت.
پێشتر چهندين جاران كۆمهلا ئيسلامى حهزا وێ چهندێ راگههاند بوو كو پشكداريێ د حوكمهتا نوو دا بكهت، بهلێ ههتا نها پارتى ب فهرمى بهرسڤا وان نهدابوو و ژنوو ب رهنگهكێ فهرمى پارتى سهرهدانا كۆمهلێ كر.
بڕياره پشتى كۆمهلێ پارتى ديموكراتى كوردستان ل سهر ههر ئێك ژ ئێكگرتوو ئيسلامى كوردستان و حزبا شيوعى كۆم ببيت.
ئهڤرۆ نيوز:
ل باژێرێ ههولێر، ب هاريكاريا حوكمهتا ئهلمانيا د رێورهسمهكى دا نهخۆشخانهكا لهشكرى يا تايبهت ب پێشمهرگهى هاته ڤهكرن.
بهرپرسێن لهشكرى يێن ئهلمانى و وهزارهتا پێشمهرگهى د رێورهسمێن ڤهكرنا ڤێ نهخۆشخانێ دا، تهكست ل سهر هاريكاريێن زێدهتر يێن بريندارێن شهرێ دژى داعش كر.
ژ لايێ خوه ڤه، وهزارهتا پێشمهرگهى ل حوكمهتا ههرێما كوردستانێ سۆپاس و پێزانينێن گهل و حوكمهتا ههرێما كوردستانێ بۆ وهزارهتا بهرهڤانى و گهلێ ئهلمانيا دهربڕى.
ئەڤرۆ نیوز ، عەلی حاجی :
رێڤەبەرێ پەروەردا زاخۆ بۆ ئەڤرۆ نیوز دیار كر ل رێڤەبەریا پەروەدا زاخۆ میلاكێ ماموستا ئاریشەیا مەزنە ل زاخۆ ژبەر كو ماوەیەكێ درێژە ماموستا نەهاتینە دامەزراندن و رێژەیا قوتابخانان ل زاخۆ گەلەكا كێمە و قوتابخانێن زاخۆ پێدڤیەكا مەزن ب كەل و پەلان هەیە .
نەزیر یوسف رێڤهبهرێ پهروهردا زاخۆ بۆ ئهڤرۆنيوز گوت : ل سنورێ رێڤەبەریا مە كێمیا ماموستایان یاهەی ژبەر كو ماوەیەكێ درێژە چو ماموستا بو رێڤەبەریا پەروەردا زاخۆ نەهاتینە دامەزراندن و نەدامەزراندنا ماموستایان ژبەر هەبوونا گرێبەستان و قەیرانا دارايی بوو ، نوكە مە پێدڤی ب زێدەتر ژ 1200 ماموستایان هەیە بۆ زاخۆ دا كو ئاریشەیا كێميا ماموستایان نەمینیت ، ه دیسان ژ سالا 2014 هەتا نوكە چو قوتابخانە ل زاخۆ نەهاتینە ئاڤاكرن سەرەرای هندێ چەندین ئاوارە هاتینە زاخۆ و قوتابخانە نینە ل زاخۆ ئاوارە تێدا نەبن و سال بۆ سالێ ژی رێژەیا قوتابیان زێدە دبن .
زێدەتر گوت : زێدەباری وان كێماسیان ژی ئەڤە چەندین سالە كەل و پەل پێدڤیێن قوتابخانان ژی بۆ زاخۆ نەهاتینە دابین كرن و ئەڤە ژی دبیتە ئاریشە بۆ قوتابخانێن مە ، چەندین جاران مە داخوازا چارەسەركرنا ڤان ئاریشەیان كریە، بەلێ هەتا نوكە چو نەهاتیە كرن ، نوكە 8 ئاڤاهیێن قوتابخانان ب نیڤی ماینە، رازيبوون ل سەر خەرچكرنا دو ملیاران بۆ ئاڤاكرنا وان قوتابخانەیان ههيه، بەلێ ل دهوكێ زێدەتری 3 هەیڤانە دبێژن پارە د بهنكێ دا نینن.
گۆت ژى ، مه پێدڤی ب ئاڤاكرنا 20 قوتابخانێن دی هەیە ل زاخۆ .
ئهڤرۆ نیوز:
سهرۆك مهسعود بارزانی ئهڤرۆ پێشوازی ل شاندهكێ ئێكهتیا ئورۆپا كر كو پێكهاتبوو ژ جێن كریستۆڤ بێلارد جێگرێ ئهمیندارێ گشتی یێ ئێكهتیا ئورۆپا بۆ كاروبارێن سیاسی و رامۆن بلیكۆ بالیۆزێ ئێكهتیا ئورۆپا ل عیراقێ و كلاریس پاسۆری بهرپرسێ نڤیسینگهها ئێكهتیا ئورۆپا ل ههولێرێ.
د دیدارهكێ دا، رهوشا سیاسی یا دهڤهرێ و پهیوهندیێن د ناڤبهرا ههولێر و بهغدا و پرۆسا سیاسی یا ههرێما كوردستانێ گهنگهشهكرن، جێگرێ ئهمیندارێ گشتی یێ ئێكهتیا ئورۆپا بۆ كاروبارێن سیاسی سهرهرای ئاماژه دانێ ب رۆلێ سهرۆك بارزانی د پرۆسا سیاسی یا عیراقێ دا، دیار كر كو دهرفتهكا ئهرێنی د ناڤبهرا ههولێر و بهغدا دا پهیدا بوویه و گۆت:(سهقامگیریا ههرێما كوردستانێ و باشتربوونا پهیوهندیێن وێ ل گهل بهغدا ل دهف ئێكهتیا ئورۆپا دگرنگن و ئێكهتیا ئورۆپا بۆ هاریكاریكرن و راوێژێ بۆ ههرێما كوردستانێ د وارێن كارگێری، دارایی و چاكسازی دا یا ئامادهیه).
گهفێن تیرۆرێ ل سهر ئاسایشا دهڤهرێ تهوهرهكێ دی یێ دیدارێ بوو و سهرۆك بارزانی سهرهرای ئاماژهدانێ ب قوربانیێن خهلكێ كوردستانێ د شهرێ تیرۆرێ دا، دوپاتكر كو پێشمهرگه بوو ب قههرهمانی و گیانفیدایی ئهفسانا داعش شكاندی.
ل دۆر رهوشا سووریێ، سهرۆك بارزانی دلگرانیا خوه ل ههمبهر پاشهرۆژا كوردان و بۆچوون و پێشنیازێن خوه ل دۆر چاوانیا چارهكرنا كێشێن گهلێ كورد ل سووریی و پێشهاتێن نوو بۆ شاندێ مێهڤان دیار كرن.
ههر ئهڤرۆ مهسرور بارزانی شیرهتكارێ جڤاتا ئاسایشا ههرێما كوردستانێ د دیدارهكێ دا ل گهل شاندێ ئێكهتیا ئورۆپا، هیڤی خوست كو دهلیڤهكا باش پهیدا ببیت بۆ چارهیهكا بنهرهتی بۆ پرسێن ههلاویستی د ناڤبهرا ههولێر و بهغدا دا، د چارچووڤێ دستووری دا و بۆ ڤێ چهندێ ژی هاریكاریا ئێكهتیا ئورۆپا ب پێدڤی زانی.
ئەڤرۆ نیوز:
فهرهاد ئهمین ئهترووشى پارێزگهرێ دهۆكێ ئەڤرۆ پێشوازیا (لوك لویلن ) سهروكێ ژوورا بازرگانی یا پارێزگهها فلاندهرزل یا بەلجیكى كر و د ھهڤدیتنهكێ دا بهحسێ رهوشا بازرگانى و ئابوورى یا ههرێما كوردستانێ ب گشتى و پارێزگهها دهۆكێ ب تایبهتى و چاوانیا خورتكرنا تێكهلیێن بازرگانى و ئابوورى د ناڤبهرا ههردو پارێزگههێن دهۆك و فلاندهرزل یا بەلجیكى هاته كرن.
پارێزگهرێ دهۆكێ داخواز كر كو كۆمپانیێن وهلاتێ بهلجیكا رۆلێ خۆ د پروژێن ئاڤاكرنا دهڤهرێ دا ببینن و تێكهلیێن بازرگانى و ئابوورى د نافبهرا ههردو وهلاتان دا ب گشتى و پارێزگهها دهۆك و فلاندهرزل دا ب تایبهتى پهیدا ببن و خورت ببن.
ژلایێ خۆ ڤه سهروكێ ژوورا بازرگانى یا باژێرێ نافبرى خوشحالیا خو دیار كر ب سهرهدانێ و دیار كو ئهو دێ ههمى بزاڤا كهن كو كۆمپانیێن وهلاتێ وان و تایبهت یێن باژێرێ وان رۆلێ خو د بزاڤا بازرگانى و ئابوورى و ئاڤا كرنا كوردستانێ دا ببینن.
ئەڤرۆ نیوز:
بریارە سپێدێ شاندەکێ بلند یێ پارتی دیموکراتی کوردستان سەرەدانا کۆمەلا ئیسلامی و ئێکگرتوویێ بکەت و ل دۆر پەیوەندیێن د ناڤبەرا هەر دو ئالیان و هەروەسا پرسا پێکئینانا کابینا نوو یا حوکمەتێ دانوستاندنان بکەن.
بەرپرسەکێ پارتی ژی دیار کریە کو پارتی دڤێت حوکمەتەکا بهێز ئاڤا بکەت و ژ بەر هندێ ژی دێ سەرەدانا هەموو ئالیێن سیاسی یێن کوردستانێ کەت دا نێرینێن وان ژی ل دۆر کابینا نوو یا حوکمەتێ و پرسێن هەی وەربگریت دا بشێت باشترین چارەسەری بۆ هەموو پرسان پەیدا بکەت.
ئهڤرۆ نيوز:
سپێدههيا ئهڤرۆ رۆژا چارشهمبى 30ى كانوونا دويێ 2019 نێچيرڤان بارزانى سهرۆك وهزيرێن ههرێما كوردستانێ، پێشوازى ل بهرێزان جين كريستۆڤ جێگرێ ئهميندارێ گشتى يێ ئێكهتيا ئورۆپا بۆ كاروبارێن سياسى و رامۆن بليكۆ بالوێزێ ئێكهتيا ئورۆپا ل عيراقێ و كلاريس پاستۆر يێ سهرۆكێ نڤيسينگهها ئێكهتيا ئورۆپا ل ههولێر و شاندێ ل گهل دا كر.
د ديدارهكێ دا، شاندێ مێڤان خۆشحاليا خوه ب سهرهدانا ههرێما كوردستانێ دهربڕى و دهستخۆشى ل دانوستاندنێن ناڤبهرا ههولێر- بهغدا دا كر، ههروهسا بزاڤێن ههرێما كوردستانێ د حهواندن و پاراستنا ژمارهكا زۆرا ئاواره و پهنابهرێن دهستێ تيرۆرێ بلند نرخاندن و ئامادهيا خوه بۆ پشتهڤانيكرنا عيراقێ و ههرێما كوردستانێ د وارێن جودا دا و مۆكمكرنا زێدهتر يا پهيوهنديێن دوقولى نيشان دا.
ژ لايێ خوه ڤه سهرۆك وهزيرێن ههرێما كوردستانێ سۆپاسينا وێ سهرهدان و هاريكاريا مرۆڤى و لهشكرى يا ژمارهك ژ وهلاتێن ئێكهتيا ئورۆپا بۆ ههرێما كوردستانێ كر و هيڤيا بهردهواميێ بۆ خواست، ههروهسا خواستا ههرێما كوردستانێ بۆ بهر ب پێش چوونا پهيوهنديێن دوقولى ل گهل وهلاتێن ئێكهتيا ئورۆپى د وارێن جودا دا دووپاتكر.
د پشكهكا دى يا ديدارێ دا، چهند بابهتێن گرێداى كاودانێن عيراقێ، پهيوهنديێن ههولێر – بهغدا مهترسيێن سهرهلدانا تيرۆر و ههماههنگيا ناڤبهرا ههولێر و بهغدا بۆ رێگريكرن ل ڤێ مهترسيێ و دانوستاندنێن لايهنێن سياسى بۆ پێكئينانا كابينا نوو يا حوكمهتا ههرێما كوردستانێ خستنه بهر بهحس و گهنگهشێ.
دانوستاندن ل سهر كاودانێن دهڤهرێ و رۆژههلاتا ناڤهراست و پهيوهنديێن ههرێما كوردستا،ێ ل گهل وهلاتێن دهوروبهر، لايهكێ دى يێ ديدارێ بوون.
نيشاندان