ئەڤرۆ نیوز، لەزگین جوقی:
حەیدەر شەشۆ بەرپرسێ ھێزا پاراستنا ئێزديخانێ بۆ ئەڤرۆ نیوز گۆت: پێشمەرگێن رەڤاندی هاتنە ئازادکرن.
پێشمەرگێن هاتینە رەڤاندن هاتنە ئازادکرن
نووترين نووچه
- بكارهینانا درۆن و مووشەكان چارەسەرییا كێشەیان ناكەت
- نێچیرڤان بارزانی: هێرشا ل سەر نڤیسینگەها سەرۆكێ حوكمەتا هەرێمێ پێشهاتەكا مەترسیدارە
- مەسرور بارزانی: هێرشێن ئیرانێ گەفەكا ڕاستەوخۆنە بۆ سەر ئاسایش و ئارامییا كوردستانێ
- هێرشا ئیرانێ بنپێكرنەکا بێ بهانەیا یاسایێن نێڤدەولەتی و بنەمایێن جیرانییا باشە
- پارتی داخوازا هەلوەستەكێ ڕژد ژ بەغدایێ دكەت ل هەمبەر هێرشێن سەر پیرمامێ
- هێرشێن درۆنی بنپێكرنا سەروەرییا ئاخا ئیراقێ و هەرێمێ یە
- پێلەكا بەرفرهە یا پرۆتەستۆكرنێ ل سەر ئاستێ ئیراقێ و دەڤەرێ بۆ هێرشێن سەر پیرمامێ، داخوازا هەلوەستەكێ ڕژد ژ بەغدایێ دهێتە كرن
- فراكسیۆنا پارتی ل جڤاتا نوونەرێن ئیراقێ: ئارمانجگرتنا نڤیسینگەها سەرۆكێ حوكمەتا هەرێمێ بەزاندنا بەهایێن نیشتمانییە
- ئەڤ دەستدرێژییە ب چو ڕەنگەكی ناهێنە قەبوولكرن
- پارتی قوتابخانەیا خەباتكەر و شۆڕشگێڕێن كوردستانێ یە
سهرهكى نووترين نووچه
ڤیدیۆ: بەفرێ رێیا دهۆک بۆ کانی ماسێ گرت
ئەڤرۆ نیوز، نیوار محەمەد سەلیم:
ل گۆندێ وەرمێلێ رێیا ب سەرکەفتن و هاتن بۆ دهۆکێ هاتە گرتن.
ئێک ژ مامۆستایێن هاتنوچوونێ دکەن ژ گۆندێن دەڤەرا بەرواری بالا بۆ ئەڤرۆ نیوز ئاشکەرا کر کو ل دەمێ ڤەگەریانێ بۆ مال، رێیا وان ل گۆندێ وەرمێلێ هاتنبوو گرتن.
ئاشکەرا ژی کر کو خودانێن ترۆمبێلێن مەزن و لایەنێن شۆلەژێ کار ل سەر ڤەکرنا رێ دکرن، بەلێ ژ بەر بەردەوامیا بەفرێ، کارێ وان ب زەحمەت کەفت بوو.
هژمارهكا وهلاتيان ل چیایێ گارهى ئاسێ بوون
ئهڤرۆ نیوز، نهوزاد هلۆرى:
ب مهرهما بوراندنا دهمهكێ خوهش دناڤ بهفرێ دا، هژمارهكا وهلاتیان قهستا چیایێ گارهى كریه، بهلێ ژ نشكهكێ ڤه بهفر دباریت و ههموو ئاسێ دبن.
سهگڤان زێوكى، وهلاتیهكێ دهڤهرا بهرێ گارێ یه، بۆ ئهڤرۆ نیوز گۆت: (ئهڤرۆ سپێدێ هژمارهكا گهشتیار و خهلكێ دهڤهرێن جوداجودا ب مهرهما بوراندنا دهمهكێ خوهش دناڤ بهفرێ دا، قهستا چیایێ گارهى كریه، بهلێ پشتى بارینا بهفرێ ژ نشكهكێ ڤه ههموو ماینه ئاسێ و نهشێن ڤهگهرن ڤه، چونكى ترومبێلێن وان نهشێن ژبهر حلیسوك بوونا جادێ بهێتهخوار).
زێدهتر گۆت: (وان گهشتیاران ب رێیا تهلهفونێ خهلكێ دهڤهرێ و جهێن شولهژێ ئاگههداركرینه داكو د ههوارێ بچن ژبهركو گهلهك سهرمایه، نوكه جهێن شولهژێ دههوارێ چووینه داكو ههموو بهێنه رزگاركرن).
پێشمهرگه و ههڤپهیمان بهحسێ لڤینێن دا عش دكهن
ئهڤرۆ نیوز:
وهزارهتا پێشمهرگهی و ههڤپهیمانان ب سهرپهرشتیا كهریم شنگالی وهزیرێ پێشمهرگهی ب وهكالهت و نوونهرێ ههڤپهیمانان لڤینێن داعش ل عیراقێ ئهڤرۆ د كۆمبوونهكێ دا گهنگهشه كرن.
د كۆمبوونێ دا راپۆرتا پشكان هاته خواندن و رۆناهی خسته سهر روودانێن چهند رۆژێن بۆری ل دهڤهرێن جودا یێن عیراقێ، ل دووڤ وان راپۆرتان لڤینێن تیرۆرستێن داعش یێن دهست پێ كرین و ژ ئهنجامێن كریارێن تیرۆرستی ب دههان وهلاتیێن سڤیل یێن هاتینه كوشتن و بریندار بووین.
ههروهسا پرسا ههماههنگیێ د ناڤبهرا هێزێن پێشمهرگێ كوردستانێ و سوپایێ عیراقێ دا ژ پێخهمهت سنورداركرنا لڤینێن داعش، ب تایبهت د ڤێ رهوشا نوكهدا ب پێدڤی هاته زانین.
ههرێما كوردستانێ سێ رۆژ كرنه بهێنڤهدان
ئهڤرۆ نيوز:
ئاخفتنكهرێ ب ناڤێ حوكمهتا ههرێما كوردستانێ راگههاند كو رۆژێن 30 و 31ى كانوونا ئێكێ و 1ى كانوونا دويێ ب رهنگهكێ فهرمى ل ههرێما كوردستانێ بهێنڤهدانا فهرمى نه.
دهقێ داخۆيانيا ئاخفتنكهرێ ب ناڤێ حوكمهتا ههرێما كوردستانێ:
ب ههلكهفتا سهرێ سالا نوو يا زاينى پيرۆزباهيهكا گهرم ل خێزانێن شههيدان و پێشمهرگههێن قارهمانێن كوردستانێ و ههموو كورێن گهلێ خوه دكهين، ب هيڤيا وێ چهندێ ئهڤ ساله ببيته جهێ خوشگوزهرانى و سهقامگيريێ و دهركهفتن ژ گرفت و قهيرانان و دووپاتكرنا مۆكمكرنا گيانێ برايهتيێ د ناڤبهرا ههموو رۆلێن گهلێ كوردستانێ دا.
ب ڤێ ههلكهفتێ ژى وهلاتيێن خوشتڤى يێن ههرێما كوردستانێ رادگههينن رۆژێن 30 و 31ى كانوونا ئێكێ 2018 و 1ى كانوونا دويێ 2019 ئانكو ئێكشهمبى و دوشهمبى و سێشهمبى ل ههموو دامودهزگههێن حوكمهتا ههرێما كوردستانێ دێ بنه بهێنڤهدانا فهرمى و رۆژا چارشهمبى 2ى كانوونا دويێ 2019 دهوامى فهرمى دێ دهست پێ كهتهڤه.
سەفین محسین دزەیی
ئاخفتنكهرێ فەرمی يێ حوكمەتا هەرێما كوردستانێ
2018/12/24
فەرمانا گرتنا پارێزگارێ سهپاندى يێ کەرکووکێ ھاتە ھەلوەشاندن
ئەڤرۆ نیوز، قائید میرۆ:
پشتی دەرکرنا فەرمانا دەستەسەرکرنێ ژ لایێ دەستەیا نەزاھێ، ژێدەرەکی ئاشکرا کر، فەرمانا دەستەسەرکرنا پارێزگارێ ب وەکالەتێ کەرکووکێ ھاتیە ھەلوەشاندن.
کاکە ڕەش سەدیق، ئەندامێ جڤاتا پارێزگەھا کەرکووکێ بۆ ئەڤرۆ نیۆز دیارکر “پشتی دەرکرنا بڕیارا دەستەسەرکرنا وی ژ لایێ دەستەیا نەزاھێ ڤە، راکان سەعید پارێزگارێ ب وەکالەتێ کەرکووکێ نەھاتیە سەر دەواما خۆ ل دیوانا پارێزگەھێ و بەر ب بەغدا رەڤیە بۆ ھەلوەشاندنا بڕیارا دەستەسەرکرنا خۆ”.
ژ لایێ خۆ ڤە ژی ژێدەرەکی ل باژێڕێ کەرکووکێ ئاشکرا کر، بڕیارا دەستەسەرکرنا پارێزگارێ ب وەکالەت ھاتیە ھەلوەشاندن و راگرتن.
کاکە ڕەش سەدیق دبێژیت: “راکان سەعید یێ تۆمەتبارە ب ھەدەردان و خوارنا پارێ پڕۆژێن خزمەتگوزاری، چونکو پارەیەکی زۆر بۆ دەڤەرێن بن دەستھەلاتا داعش ھاتیە مەزاختن و ژ لایێ پارێزگاری ھاتیە دزین، ھەروەسا زۆربەیا کارێن پارێزگارێ سەپاندی ژدەرڤەی قانوونێ ھاتینە ئەنجامدان”.
حهيدهر شهشۆ: حهشهد شهعبى پێشمهرگه برينه تلهعفهر
ئەڤرۆ نیوز، لەزگین جوقی:
بەرپرسێ ھێزا پاراستنا ئێزديخانێ دیارکر کو حەشدا شەعبی ئەو ھژمارا شەرەڤانێن پاراستنا ئێزديخانێ ھەموو بۆ تلەعفەر ڤەگوھاستن، “ئەم ناخوازین رەوش خراپتر لی بھێت”.
حەیدەر شەشۆ بەرپرسێ ھێزا پاراستنا ئێزديخانێ بۆ ئەڤرۆ نیوز گۆت: “ئەم چاڤەرینە ژ نوکە ھەتا دەمژمیژەکا دى ھەموو شەرڤانێن ھێزا پاراستنا ئێزديخانێ یێن ناڤ سەنتەرێ شنگالێ دا بھێنە ئازادکرن ونەگەھيتە وی رادەی رەوش نەخۆشتر لێ بێت ل دەڤەرا شنگال نوکە دانوستاندن یێ دھێنە کرن بۆ ئازادکرنا ھەموویان ھەکە نەھێنە ئازادکرن دێ مە ھەلوەیستەکێ دی ھەبیت”.
ئاشکەرا کر کو نوکە ھێزا پاراستنا ئێزديخانی ل شنگال د ئامادەباشیێ دايه، “ھەکە ھەڤالێن مە نەھێنە ئازادکرن، دێ مه ھەلویستەکێ دى بیت”.
ھێزا پاراستنا ئێزديخانی دۆرێن حەفت ھزار شەرەڤانان ھەنە ھەموو ژی گەنج و خورتێن خەلکێ شنگالێ نە ژ وانا ژی پتر ژ ھزار کەسان سەر ب وەزارەتا پێشمەرگەی ڤەنه.
مەترسیا دزیێ و ژناڤچوونێ ل سەر شوونووارێن ئاکرێ ھەیە
0ئەڤرۆ نیوز، رەمەزان ھەرنی:
ل دەڤەرا ئاکرێ ھژمارەکا بەرچاڤا پارچێن شوونوارێن مێژوویی ھەنە کو مێژوویا وان ڤەدگەرێت بۆ سەردەمێ تەباشیرێ ھەتا نوکە ھەموو شوونوار نەھاتینە نووژەنکرن، ئەڤ سالە ژ بەر باران بارینا زۆر چەندین جھێن شوونواری ھاتینە خرابکرن و ھژمارەکا شوونواران ژی مەترسیا دزینێ ل سەرە.
رێڤەبەرێ شوونوواران ل ئاکرێ بۆ ئەڤرۆ نیۆز راگەھاند كو دەڤەرا ئاکرێ یا دەولەمەندە ب چەندین جھێن شوونوواری یێن پرانیا ئاین و پێکھاتێن جودا کو میژوویا وان گەلەک یا کەڤنارە بەلێ ژ بەر باران بارینێ پشکەکا وان ژ ناڤ چوویە و خەلک ژی بەردەوام بزاڤا تێکدانا وان دکەن و پێدڤیە بھێنە نووژەنکرن.
ھیوا شەمال گۆت: “ل دەمێ باران بارینێ زیان ب چەندین جھێن شوونوواری کەفتینە دەڤەرێ ئەوێن دی ژی خەلک بزاڤا دزینا وان دکەت”.
زێدهتر گۆت: “مێژوویا شوونووارێن ئاکرێ ڤەدگەريت بۆ چار سەدەیا بەریا نوکە میژوویەکا مەزن ھەیە، مەترسی ژی ل سەر چەندین جھێن شوونووارێن دی ھەیە ل دەڤەرێ”.
ل ئاکرێ نێزیکی 700 ھێما و جھێن شوونوواری ھەنە وەک کەلە و پەرستگەهـ و شکەفت و ئاش و گەلەک شوونووارێن دی کو مێژوویا وان ڤەدگەريت بۆ چەندین سەدەیا بەریا نوکە، رێڤهبهرێ شوونوواران ل ئاكرێ گۆت: “ئەگەر بۆدجەک بۆ بھێتە مەزاختن دێ پرانیا وان نووژەنکەین و ئەگەر نەھێنە نووژەنکرن خەلک دەستکاریا وان دکەت و دێ مێژوویا وان بەرزە بیت و ژناڤ چن”.
جڤاتا نوونهران ئهڤرۆ دێ دانوستاندنێ ل سهر پرسا بوودجێ و كابينا نوو كهت
ئهڤرۆ نيوز، نيوار محهمهد سهليم:
ئهندامهكێ جڤاتا نوونهرێن عيراقێ راگههاند كو بڕياره ئهڤرۆ روونشتنهكا دى يا جڤاتا نوونهران تايبهت ب بوودجه و تهمامكرنا كابينا عهبادى بهێته ئهنجامدان.
د. ديار تهيب، ئهندامێ جڤاتا نوونهرێن عيراقێ بۆ ئهڤرۆ نيوز گۆت: “ئهڤرۆ دێ خواندنا ئێكێ بۆ پرۆژێ قانوونا بوودجێ هێته كرن و نوونهر دێ تێبينيێن خوه ل سهر دهن و پاشان دێ ڤهگهريته ڤه بۆ لژنا دارايى، دهرگههـ دێ يێ ڤهكرى بيت بۆ تێبينيان و جارهكا دى رهوانه لژنا دارايى كهن دا راستڤهكرن بهێنه كرن”.
دهربارهى تێبينيێن كوردان ل سهر بوودكهى د. ديار گۆت: “رێژه نهيا ب دلێ مهيه، دبيت گوهۆڕين ژى د هندهك خالان دا بهێنه كرن دا كو پێدڤيێن ههرێمێ بهێنه بجهئينان بۆ مووچهى و دهست نيشانكرنا رێژهكا پارهى بۆ پێشمهرگهى ئهڤه ژبلى مووچێ كهسوكارێن شههيد و ئهنفالكرى و زيندانيێن سياسى و دێ بزاڤێ كهين پشكا ههرێمێ ژ قهرێن نێڤدهولهتى ژى بهێته دهستنيشانكرن”.
زێدهتر گۆت: “ئهڤرۆ دێ دهنگدان ل سهر وهزيرێن كۆچ و كۆچبهران و پهروهردێ ژى هێته كرن، ههتا نها كهسێ چو تێبينى ل سهر نينن وهزيرێن دژى ژبلى داد دێ دهنگدان ل سهر هێته كرن، بهلێ دبيت دهنگێن پێدڤى نهئينن”.
ئاشكهرا ژى كر كو كوردان چو تێبينى ل سهر چو وهزيران نينن و گۆت: “ههتا نها ئێكهتى نهدهاته د كۆمبوونان دا ژ بهر وهزارهتا داد، بهلێ بۆ ڤێ جارێ ئهو ژى دێ هێنه ژوور”.
هێزهكا حهشهد شهعبى هێرش كره سهر پێشمهرگهى و ژمارهك ژێ رهڤاندن
ئهڤرۆ نيوز:
هێزهكا بهدر يا سهر ب حهشدا شهعبى چوونه سهر بارهگايهكێ هێزا پێشمهگهى سهر ب حهيدهر شوشۆى ڤه، 30 پێشمهرگه ل گهل خوه برينه.
حهيدهر شهشۆ، فهرماندێ هێزا پاراستنا ئێزديخانێ ل شنگال بۆ رووداو گۆت: “دهمژمێر 1:30 دهقيقهى سپێدههيا ئهڤرۆ هێزهكا بهدر يا سهر ب حهشهد شهعبى ب ناڤێ سۆپايێ عيراقێ و ههوالگهريا عيراقێ چوونه سهر بارهگايێن مه ل سهنتهرێ شنگالێ بۆ پشكنينێ، پاشان ههموو ئهو هێزێن ل وان بارهگايان بوون برينه”.
د بهرامبهر وى كارى دا، هێزێن پێشمهرگهى يێن سهر ب حهيدهر شهشۆى ل شنگال كهفتينه ئامادهباشيێ، حهيدهر شهشۆ دبێژيت: “هێزێن مه نها د ئاماده باشيێ دانه، ههموو رێيێن هاتنه ناڤ سنونێ و پشكهك ژ شنگالێ هاتينه گرتن و ههر هێزهكا حهشهد شهعبى ب لڤينيت، دێ بهرسڤێ دهين”.
حهيدهر شهشۆ ئاماژێ ب وێ چهندێ ژى دكهت كو ئهوان يێن د سهر خوه دا ئاگههداركرينه و ههتا نها چو پهيوهنديهك د ناڤبهرا وان و حهشهد شهعبى دا دروست نهبوويه دا كو بزانن ئهگهرێ ڤێ چهندا وان كرى چنه.
پشتى 16ى ئوكتۆبهرێ نێزيكى هزار پێشمهرگێن سهر ب هێزێن پاراستنا ئێزديخانێ ب سهرپهرشتيا حهيدهر شهشۆ ل شنگال مابوون و ههتا نها ل چهند جهێن سنونێ و شنگال د بنهجهن.
نيشاندان
WP Facebook Auto Publish Powered By : XYZScripts.com