ئەڤرۆ نیوز، نەوزاد ھلۆری:

ب بەرھەڤبوونا سەرۆک بارزانی، سپێدەھیا ئەڤرۆ خولا 24ێ یا خولا ئەفسەران ل ئەکادیمیا زاخۆ یا له‌شكرى ب رێڤەچۆ کو تێدا 395 ئه‌فسه‌ر وەکو ھاتینە مه‌شقدان.

بێدار عەبدوقادر، ئێک ژ فەرماندەیێن پێشمەرگەی بۆ ئەڤرۆ نیوز گۆت: (ب بەرھەڤبوون و سەرپەرشتیا سەرۆک بارزانی خولا 24ێ یا خولا ئەفسەران ل ئەکادیمیا زاخۆ یا له‌شكرى ب رێڤەچوو کو تێدا 395 ئه‌فسه‌ر بۆ دەما نەھـ ھەیڤان هاتنه‌ مه‌شقكرن).

زێدەتر گوت: (ئەف ئەفسەرە پێشتر ژى ئه‌فسه‌رێن پێشمه‌رگه‌ى بوون سەر ب ھەموو فەرماندەیێن پێشمەرگەی ل وەزارەتا پێشمەرگەی بوون، ب مەرەما زێدەتر رێکخستنا رێزێن پێشمەرگەی مەشق و راھێنان ب وان ھاتنەکرن، ژ ئەڤرۆ وێڤە ئەو ئەفسەر دێ زێدەتر خزمەتێ بۆ ھێزێن پێشمەرگەی کەن).

ل دووماھیا رێورسمێن دەرچوونا خولا ئەکادیمیا له‌شكرى یا زاخۆ چەند نمایشەکێن له‌شكرى ھاتنەکرن و خەلات ژی ژ لایێ سەرۆک بارزانی ل سەر سه‌ركه‌فتيێن ئێكێ ھاتنە دابەشکرن.

ئەڤرۆ نیوز، نەوزاد ھلۆری:

بریارە سوبەھی مەزنترین دەیبەتا تایبەت ل سەر پرسێن سیاسی و رولێ گەنجان د وان پرسان دا ب بەرھەڤبوونا گەنج و لاوێن ھەرچوار پارچێن کوردستانێ ل ھەولێر ب رێڤەبچیت کو تێدا 10 کەس دێ دانوستاندنێ کەن.

سیروان گەردی، ئێک ژ وان کەسێن کو دێ د دەیبەیتێ دا پشکدار بیت و پەنەل ھەیە بۆ ئەڤرۆ نیوز گۆت: (ئەڤە زێدەتر ژ چوار سالایە کورد چاڤەرێ ئەنجام دانا کونگرا نەتەوەی دکەن، بەلێ ھەتا نوکە ئەو کونگرە نەھاتیە ئەنجام دان و ئەڤێ یەکێ کارتێکرن ل سەر پرسێن نەتەوەی و نیشتمانی کریە، ژ بەر ڤێ ئێکەتیا لاوێن رۆژھەلاتێ کوردستان رابوویە ب رێکخستنا دەیبەیتەکا تایبەت ل سەر ھەمان پرس، بەلێ تنێ کا رولێ گەنجان د وان پرسان دا چی یە و چ ب خوه‌ ڤە دگریت دێ دانوستاندنێ ل سەر کەن).

زێدەتر گۆت: (د دەیبەیتێ دا ھژمارەکا زۆر یا گەنجان ل ھەر چوار پارچێن کوردستانێ دێ بەرھەڤبن و دانوستاندنێ ل سەر ھەموو پرسێن سیاسی ئەڤێن کو نەتەوەی نە کەن، و ھەلسەنگاندنەکێ بۆ رۆلێ گەنجان کەن، 10 کەس ھاتینە هه‌لبژارتن کو پەنەلێن وێ دەیبەیتێ ب رێڤە ببەن و ل ھەرێما کوردستانێ دو کەس ھاتینە هه‌لبژارتن).

ناڤبری دیارکر ژی کو سوبەھی رۆژا پێنجشەمبی ل عەنکاوە دەیبەیت دێ ب رێڤەچیت و زێدەتر گۆت. (مەرەما سەرەکی ژ ڤێ یەکێ ئەوە کو ئێدی گەنج و لاوێن مە بھێنە پێش و رۆلێ خوە د ھەموو پرسێن سیاسی دا ببینن، دیسان پەیامەکێ ژ بدەینە لایەنێن سیاسی کو ئێدی دەم ھات ئەو ژی ئێکگرتی و ئێکھەلویستن ب تایبەتی ل سەر پرسێن نەتەوەی و نیشتمانی، ژ بەر کو دوژمێن مە ژی ئێک نینن، بەلێ د پرسێن ھەڤپشک دا ھەموو ئێک ھەلویستن، پشتی ب دووماهى ھاتنا دەیبەیتێ دێ ھەموو ئەنجام و پێشنیازێن دەیبەیتێ بۆ جھێن شولەژێ ل ھەر چوار پارچێن کوردستانێ ھێنە رەوانەکرن).

دھێتە زانین کو ئەڤ دەیبەیتە دبیتە ئێکەمین دەیبەیت لسەر ھەر چوار پارچێن ئاستێ کوردستانێ بھێتە ئەنجام دان کو تێدا گەنج و لاو تێدا لسەر ئێک مێز دانوستاندنێ بکەن.

ئه‌ڤرۆنيوز:

شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ سێشه‌مبى 11/12/2018 پێشوازى ل ريك پێرى وه‌زيرێ وزێ يێ ئه‌مريكى وشاندێ دگه‌لدا كر.

وه‌زيرێ ئه‌مريكى دياركر كو مه‌ه‌رما سه‌ره‌دانا وى پێشڤه‌برنا په‌يوه‌نديێن ئه‌مريكايه‌ ل گه‌ل عيراقێ وهه‌رێما كوردستانێ دبوارێ وزێ وئابوورى دا، هه‌روه‌سا ده‌ستپێكرنا هنارده‌كرنا په‌ترۆلا كه‌ركووكێ ب رێيا هه‌رێما كوردستانێ ب ده‌ستپێكه‌كا ئه‌رێنى هژمارت.

مه‌سرور بارزانى، سوپاسيا هاريكارى وپشته‌ڤانيا ئه‌مريكا كر دشه‌رێ دژى تيرۆرستێن داعشێ دا وئاماژه‌كر كو درێژه‌دان وپێشڤه‌برنا په‌يوه‌نديان دهه‌موو بواران دا دبه‌رژه‌وه‌نديا سه‌قامگيريا ده‌ڤه‌رێ ب گشتى دايه‌، دووپات كر ژى كو ب هاريكاريا هه‌ڤپشك دێ كارى بۆ كوردستانه‌كا ب هێزتر وپێشكه‌فتى كه‌ن.

مه‌سرور بارزانى دووپاتكر ژى كو هه‌رێما كوردستانێ دخوازيت ب كريار مفاى ژ رێككه‌فتنا ستراتيژى دناڤبه‌را ئه‌مريكا وعيراقێ وه‌گريت ب تايبه‌تى دبوارێ كه‌رتێن وزێ وئابوورى وچاكسازيێ.

دياركر ژى كو دێ ددانوستاندنێن به‌رده‌وام دا ل گه‌ل به‌غدا بۆ گه‌هشتنا چاره‌سه‌ريا هه‌موو كێشان.

ئه‌ڤرۆنيوز:

برياره‌ سوباهى چارشه‌مبى 12/12/2018  مه‌كته‌با سياسى يا پارتى ديموكراتى كوردستان وخانه‌يا راپه‌راندنێ يا بزاڤا گۆران ل هه‌ولێرێ كۆمبن.

ئه‌ڤرۆ هه‌ردو مه‌كته‌بێن سياسى يێن پارتى وئێكه‌تيێ ل هه‌ولێرێ كۆمببوون وبه‌ياننامه‌كا چار خالى يا هه‌ڤپشك پشتى كۆمبوونێ هاتبوو ده‌ركرن.