سالار محەمەد دۆسكی:

6-7

زیندانیێ‌ سیاسی، جەلال حەسەن رەشۆ، زێدەتر گۆت: ل زیندانا قەزا زاخو ئەم 13 هەیڤان ماین و ئەڤە ژی ڤەدگەریت بۆ گوهورینا مە ل گەل شارەزایەكێ‌ ئیتالی ل گەل عەدنان عەزاوی كو كەفت بوونە دەستێ‌ پێشمەرگەی و پێشمەرگەی بەرامبەر گوهورنا وا داخازا ئازادكرنا 56 كەسان كربوو، هەڤژینا عدنان و برایەیكێ‌ وی چووبوونە دەف سەدام حسێن وی گۆت بوو چەند هەوالگێریا زاخو هەنە بلا ئازاد بكەن و بەرامبەر عدنان بهێـە ئازادكرن و پێشمەرگەی ئەڤە رەدكر و گۆت بوو ئەم دێ‌ شارەزایێ‌ ئیتالی و عەدنانی و كەسەكێ‌ تكریتی هەبوو كو ئازاد بكەن و هەمی بەرامبەر هەمیان و رێكەفتن هاتەكرن و رازیبوون ژ هەر دو ئالیان ڤە ل سەر هات و لایەنەكی گۆت بینە مەلا عەرەب و لایەنەكی خواست گوهورین ل مەرینا دروبیت و پێشمەرگەی هزرێن هێرشەكێ‌ كربوون ئەگەر فرۆكە بهێنە سەر پێشمەرگەی و ئەو چ نەبوو و بابێ‌ زیندانیەكی ل گەل مە هەبوو و حوكمەتێ‌ دەستیردان دابوویێ‌ دناڤبەرا حوكمەتا ئیراقێ‌ و سەركردایەتی یا شۆرەشا گولانێ‌ هاتن و چوونێ‌ بكەت و مەقوفێن هەر دو ئالیان بگەهینت و ب رێكا وی هاتمە ئاگەهداركرن كو ئەگەر گوهورین دروست بوو دێ‌ دناڤ گوهورینێ‌ دا بم و محەمەد عەلی زاویتەی كورێ‌ وی بوو و دووماهیێ‌ كورێ‌ وی هاتە سێدارەدان.
پشتی پێك نەهاتین ل سالا 1984 ئەم بەرەف هەوالگێریا بەغدا برین و ئەم 11 كەس بووین و هەر ئێك ژ مە هاڤێتە ژوورەكا گەلەك بچوویك ڤە و دووڤدا ئەم 18 مرۆڤ هاڤێتینە ژوورەكا بچوویك ڤە و دەمێ‌ ئەم نڤسین دڤێت هندەك شپێرڤەبان و هندەك بخوە نڤست بان و دووڤدا مە ئێك و دو دگوهوری و ئەم چەند پێشمەرگە ب برینداری كەفت بووینە دەستێ‌ حوكمتێ‌ شەریف رەمەزان، محەمەد عەلی زاویتەی و بیرا من دهێت شەریف كونەك ل سینگێ‌ وی هاتبووكرن ئانكو گولەكێ‌ سمت بوو و پشتی ئەم برینە بەغدا ئەم سێ‌ هەیڤان ماینە ئەوا نەخوشی و دەردەسەریان دا و بتنێ‌ بوومە وەك دەروون گەلەك نەخوش بوو و هەر دەم مە دوعا ژ خودێ‌ كرن بتنێ‌ ئەم ژ ئەڤێ‌ رەزالەتێ‌ بینەدەر و ببمرین و ژیانەكا گەلەك نەخوش بوو و بتنێ‌ هەر كەسەكێ‌ چووبا دەست ئاڤێ‌ بتنێ‌ وی ماف هەبوو (5) چركان بمینت و زێدەتر نەبوو و خوارن گەلەك یا كێم بوو و بتنێ‌ مرۆڤ نەمر و رۆژێ‌ هەتا رۆژێ‌ بتنێ‌ كەرەكێ‌ سەمونێ‌ بوو و یا رەق بوو و ئاڤ مە ل تەوالێتێ‌ ڤە دخار و گەلەك یا نەخوش و دووڤدا زڤرینە باژێرێ‌ زاخو و مە دیت (عەبدالرحمان رەسول، حەسەن عەلی خەنجەر، عەلی سورو، مام تاهر) ئەڤە هەمی دزیندانێ‌ دانە و پشتی ئەم رەوانەی بەغدا كرین ئەڤە پشتی مە هاتینە زیندانا زاخو و ئەم دو سێ‌ هەیڤان ماین و ژڤان بوو جارەكا دی گوهورین دناڤبەرا حوكمەتا بەعس و شۆرەشا گولانێ‌ دروست بیتە ڤە و هاتن و چوون دروست بوو و ل دووماهیێ‌ گۆ تن دێ‌ هەوە ل گەل شارەزایێ‌ ئیتالی ئەوێ‌ دەستێ‌ پێشمەرگەی دا گوهورین و دەركەفتنا مە ئانكو ئازادكرنا مە كەفتە سەر رۆژا و هەتا ئەفسەرەكێ‌ هەوالگێریا زاخو گۆتە بابێ‌ من ئەگەر جەلال هاتە ئازادكرن دێ‌ چ بوومن كری، بابێ‌ من گۆتێ‌ بلا بهێتە بازارێ‌ زاخوە چ ڤێـت دێ‌ بۆ كرم بتنێ‌ كورێ‌ من ئازاد بیت، هەوالگێریا زاخو ب ئاشكەرا گۆتە مە بتنێ‌ هەوە دو رێك هەنە و سزادان نینە، یا ئێكێ‌ یان دێ‌ چنە بن ئەردی یا دووێ‌ یان دێ‌ ئازاد بن و چنە مالا خوە، بەلێ‌ ل دووماهیێ‌ شارەزایێ‌ ئیتالی هاتە دزین و هندەكێن خەلكێ‌ زاخو بوون و نەدڤیان عەبدولرحمان رەسول ئازاد بیت و پێشتر كێشە دناڤبەرا وان دا هەبوو و حوكمەتا بەعس شیا تەنسیقێ‌ ل گەل چەند پێشمەرگان بكەت و ئەوی شارەزایێ‌ ئیتالی بەرامبەر 40 هزار دینارێن ئیراقێ‌ رادەست كر و ئەم چەند رۆژا ماینە ل هیڤیا گوهورینێ‌ و ل دووماهیێ‌ ئەم هاتینە ئاگەهداركرن كو ئەو شارەزایێ‌ ئیتالی ئەڤە چەند رۆژە ل ئوتێلێ‌ یە ل باژێرێ‌ دهۆكێ‌ و ئەو پێشمەرگێن ب مەرەما گوهورینا مە ئەو شارەزا ئینای هاتبوونە رازیكرن بەرامبەر پارا ژلایێ‌ حوكمەتا بەعس ڤە و هەر ئێكسەر ئەو شارەزایێ‌ ئیتالی رادەست كر و ئەو هەر دو پێشمەرگێن ئەڤ كارە كرین پارێن خوە وەرگرتن و ژ ناڤ پێشمەرگەی هاتن، دووڤدا سلو خدر هاتە راسپاردن وەك سەرۆكێ‌ لژنا دیفچوونێ‌ چەوا ئەف مرۆڤ هاتیە رەڤاند و چەوا چوو.
زیندانیێ‌ سیاسی، جەلال حەسەن رەشۆ گۆتژی: پشتی ئەم بێ هیڤی بووین ژ ئازادكرنێ‌ ئەم هاتینە ئاگەهداركرن كو دێ‌ هێینە رەوانەكرن بۆ دادگەهێ‌ وی دەمی بەرا مە ژی هندەك هاتبوونە رەوانەكرن بۆ دادگەهێ‌ و پشتی هاتینە رەوانەكرن بۆ دادگەهێ‌ ئەم برینە هولەكا مەزن و ئەم دەرجا چووینە خوارێ‌ و هول چەندەكێ‌ ل بن ئەردی بوو و جهێ‌ دەست ئاڤێن ژن و زەلامان هەبوو و ئەم چاڤەرێی ناڤێ‌ خوە بووین كو دادگەه گازی مە بكەت، كەسەك بەرامبەر مە بوو و هندەك تروزی ڤێ‌ بوون و ئێك داف من و من گۆتێ‌ تاما تروزیێ‌ تە یێ‌ چەوایە؟ ئەو تێ نەگەهشت و گۆت مانێ‌ هەمی تروزی یا ئێك تام هەیە و دووڤد من گۆت دێ‌ ل سەر دیوارێ‌ دادگەهێ‌ تشتەكی وەك بیرهاتن نڤێسم بەلێ‌ نەهێلان و ئێكسەر ناڤێ‌ من هاتە گازیكرن و ئەم چووینە دناڤ هولا دادگەهێ‌ دا و عەواد بەندەر سەرۆكێ‌ دادگەهێ‌ بوون و ئەم كرینە قەفەسەكێ‌ دا و چەند پارێزەر رونشتی نە و گۆت تو تاوانباری یان بێ‌ گونەه ؟ من گۆتێ‌ بێ‌ گونەه، گۆت بوومە دیاركە چەوا؟ ئاخفتم و ب دەنگەكێ‌ بلند و گۆت هەرە دەرڤە و پشتی ماوەكی دێ‌ ناڤێ‌ مرۆڤی خوینت و دێ‌ چیە ژوور و دێ‌ سزایێ‌ خوە وەرگری و ئەگرە سێدارەدان با هەر ئێكسەر نە تینا ناڤ زیندانیان هەر ل هولێ‌ دا دەرخن و ئە ژی مام ل چاڤەرێ بوونا ناڤێ‌ خوە و چوونا ژوور و وەرگرتنا سزایێ‌ خوە و ئەز هەڤالێ‌ چووین (تەمەر شەمدین تەمەر) كو ئەوژی پێشمەرگە خەلكێ‌ خەتارێ‌ بوو، ئەم چووینە ژوور دادگەهێ‌ سزایێ‌ من خاند و گۆت هەتا هەتایێ‌ و من هزر كر هەتا مرنێ‌ دێ‌ زیندانێ‌ دا بم بەلێ‌ ئاماژە پێ‌ هاتەكرن كو رەنگە 20 سال بن و ئەم بهێینە ئازادكرن و ئەم دەركەفتین دو كەسێ، عەرەب ئێكی كرە گری و مە دكرە كەنی ئێك ژ ئەوان پرسیار كر خێرە هوون دل خوش ما هوون بێ‌ گونەه دەركەفتن ؟ مە گۆتێ‌ نەخێر ئەم هاتینە سزادان هەتا هەتایێ‌ گۆت ئێك ژ وانا گۆت یێ‌ دكەتە گری تو شەرم ناكەی تو ئەڤ گەنجە دكەیە گری سەرا سێ‌ هەیڤان هاتیە زیندانی كرن سەحكە ئەڤان گەنجان هەتا هەتایێ‌ هاتینە زیندانكرن و دلخوشن و كیفا مە هات چونكە ئەم ژ مرنێ‌ قورتال بووین.