سالار محەمەد دۆسكی:

5-7

ئێكسەر نوژداری دەرمان كرم و هەمان دەم برین پێچی گۆتێ‌ نوژدار ئەم دێ‌ ڤی برینداری رادەستی ئەمنا مویسل كەین؟ یان دێ‌ هێتە رەوانەكرن بۆ وحداوی ؟ نوژداری گۆت نەهخێر دێ چیتە وحدا خوە و هزرێن من هاتنە گوهورین چونكە ئێكێ‌ ئەمنێ‌ گۆت وەكی مریشكا سوركری ل سەر ئاگری پرتا مە دڤێـت دێ‌ ژ لەشێ‌ تە ڤەكەین و دەمێ‌ كارێ‌ نوژداری ب برینا من ب دووماهی هاتی من گۆتێ‌ من پرسیارەكا هەی گۆت كەرەم بكە من گۆتێ‌ ئەمنێ‌ هوسا گەل من ئاخفتی یە گۆت نە و ئێدی من هزرا خوە كوشتنێ‌ نەكر و ئەو حەفت رۆژ بوو نشتەگەریا من هاتبووكرن و رۆژا حەفتێ‌ ئەفسەرك هاتە ژورا من و گۆت دێ‌ ل گەل مە هێی و ترۆمبیلەكا لەشكەری هات نەشیا بهێتە نێزیك ئەوا گۆت دێ‌ شێی پیا هێی من گۆتێ‌ بەلێ‌ نوژداری گۆت هێشتا برینێن وی مە نەڤەكرینە و نشتەگەریا وی یا مەزنە و هوون دێ‌ هینە ڤە گۆت نە گۆتێ‌ پا دێ‌ چەوا بیت ئەوا گۆتە نوژداری برینێن وی ڤەكە و نوژداری ڤەكرن و بیرا من دهێن برینەكا ژوان هاتەڤەكرن و نوژداری بوومن لسقەك ئێخستێ‌ و گۆت دەستێ‌ خوە بدانە سەر لستقێ‌ و ئەگەر خوارن و ڤەخوارن داتە بزاڤا بكە گەلەك نە ڤەخوە و دەستێ‌ خوە ژ برینا خوە نەڤەكە و ئەوا حەفت رۆژێن ل نەخوشخانێ‌ ئەز گەلەك برسی بووم چونكە خارنا من بتنێ‌ سێلان بوو و من پەنجەرێ‌ دا دیت جندیەكی خوارن بۆ هەمیا دبر و من گازی كرێ‌ من گۆتێ‌ ئەزێ‌ برسیمە گۆت ما نوژداری دەستیردان دایتە تو خوارنێ‌ بخوەی من گۆتێ‌ بەلێ‌ ئەو ژی چوو سێنەكا مربێ‌ و نیڤشكی و پەنیری ئینا و دوسەموون و من هەر دو سەمونێن خوە پێ‌ خوارن و ئەز چ ل سێنكێ‌ۆ بكەم من هاڤێتە بن تەختی و من هزر كر من گەلەك دەربازكر و رۆژەكێ‌ دەمێ‌ نوژدار هاتی تبلێن پێن وی ب سێنیكێ‌ كەفتن و خوە چەماند و گۆت ئەڤە چ سێنیكە و گۆت ئئەە چ خارنە بێژە؟ من گۆتێ‌ من خواریە و ئێكسەر دەستێ‌ خوە بلەز ل رانێ‌ خوە دا و هێلام چوو متبخێ‌ و هاتن هەمی پشكنین بوومن كربوون و ئێدی دەمێ‌ ئەو جندی دهات من گۆتێ‌ خوارنێ‌ بوومن بینە ل من حیتاند، دا ئاخفتنا خوە یا پێشتر ژ بیر نەكەم ترۆمبێل نەشیا دەربازبیت و گۆتە من تو دشێی پیا بهێی؟ من گۆتێ‌ بەلێ‌ و كرمە ترۆمبێلێ‌ دا و ەكی برم ناف خەلكی دا برم و دەستێن من گرێداینە و دشداشەكێ‌ كورتێ‌ ل بەرمن و خەلی تەماشەی من دكر و هاڤێـمە ترۆمبێلێ‌ دا و كلێتەكێ‌ لەشكەری كرە سەرێ‌ من و ئێكسەر ئەم ئیناینە باژێرێ‌ دهۆكێ‌ و ئەم برینە لیوایێ‌، چەند پرسیارل لیوا دهۆكێ‌ ژمن هاتنەكرن گۆت بۆچی چووی من گۆتێ‌ تشتەك بوو نازڤریت و كیش لیوایێ‌ بووی من گۆتێ‌ فلان لیوایێ‌ و پشتا من هەر هەمی خوین بوو و نوژداری هندەك حەبك دابوون من گۆت دڤێت تو حەبكا بخوەی دا بووتە ئلتهابات دروست نەبن.
من نەشیا روونمە خوارێ‌ و سەحارێ‌ هندەك دەنگێ‌ مرۆڤان هاتە من و دیوارەكێ‌ بچوویك بوو من سەر دیواری را سەحكرێ‌ هندەك كەسن جلكێن لەشكەری و مغاویرا ل بەردانە و بەرسینگێن وا هەمی چەك و ساجورن و ئێك ژ وا بزمانێ‌ ئەرەبی گۆت سیدا ل ڤێرە یە و كەرم بكە و ئێكسەر گۆت ترۆمبێلێ‌ سوار بە و من ژی گۆت دێ‌ چمە دەست ئاڤەكێ‌ و گۆت بلا بچیتە دەست ئاڤێ‌ سوار بیت و دەمێ‌ زڤریم جندیەكی پارچەكا دوشەكەكێ‌ هاڤێت بوو پشتا ترۆمبێلێ‌ دا و ەوی جندی زانی پشتا من هەمی خوینە و قودیكا ترۆمبێلێ‌ دا ئەفسەری دیت ئەو دوشك هاڤێتە ترۆمبێلێ‌ دا و ئێكسەر هاتە خوارێ‌ و ئاخفتنێن كریچت گۆتنە ججندیان و گۆتێ‌ خەلك هەوە دكوژیت و هێشتا هوون دلوڤانیێ‌ ب خەلكی دبەن و ئێكسەر ئەو پارچە دوشكەك هاڤێت و دەمێ‌ ئەو ئەفسەر چوویە ترۆمبێلێ‌ دا هەر ئێكسەر ئەوی جندی ئەو پارچە دوشكەكێ‌ هاڤێتە ترۆمبێلێ‌ دا و گۆت خودرشكە ل سەر دوشەكێ‌ و ئەو ترۆمبێلا لەشكەری جندی تێدالا بوون و پشتێن خوە لێكدان و ئەز هاڤێتمە بن جوكێن رێزەكێ‌ و درێشكرم و ئەو ترۆمبێل گەلكە چوو من نەزانی دێ‌ كڤیە چیت و هەر ئەزێ‌ هزرا كەم و ترۆمبێل ژی خوەش یا دچیت و جار جار یێ‌ هزرا كەم و بێژم دێ‌ مە بەنە جهەكی و رەمی كەن و برمە جهەكی من نەزانی زاخو یە و برمە ژوورا ئستخباراتا زاخو و گۆت وەرە خوار روونە و نەشیام روونم چونكە من خوین نەمایە و گەلەك لاواز ب بووم و بتنێ‌ چەرم و هەستی مابوو و نافبەینەكێ‌ من جندیەك دیت هاتە ژوور من گۆتێ‌ دێ‌ خوارنێ‌ خوین؟ گۆت مە خوار ماتویێ‌ برسی من گۆتێ‌ ئەرێ‌ ئەزێ‌ برسیمە گۆت هندەك نانێ‌ مالان هەیە و گلاسەكا ئاڤێ‌ دانا بەر ئاڤێ‌ بوومن ئینا و پارچەكا نانی و من خوار و هەمان دەم ئاخفتنا نوژداری ژی هاتە بیرا من و گۆت بوو دڤێت تو گەلەك نەخوی و تهێنا من ب وێ‌ ئاڤێ‌ نە شكەست و گەلەك یا كەل بوو و من زانی ژ كیڤە ئینا و چووم مەمەری چوومە دەست ئاڤێ‌ و ل هاتنێ‌ من بخوە گلاسەكا دی یا ئاڤێ‌ ئینا و ل هاتنێ‌ من دیت رائیدەكێ‌ ژ وێ ڤە دهێت و ئەوی رائیدی گەلەك ب تورەی پرسیار ژ من كرن و من بەرسف نەدان و هەر گۆت تو بوچی بێی دەنگی هەر من بەرسف نەدا و گازی كرە ێكی گۆتێ‌ ئەڤە كیە؟ بەحسێ‌ من بۆ كر و گۆتێ‌ زیندانی یە و ئێكسەر گۆتێ‌ بكەنە ژوور ڤە و نەهێلن ئەڤە هاتن و چوونێ‌ بكەت و دەركەڤیت و پشتی هاڤێتمە ژوور ڤە و چوونا دو دەمژمێرا دو جندیێ، دی هاتن و ئێك كورد بوو بناڤێ‌ ئیبراهیم و ب كوردی ل گەل من ئاخفتن و گۆت دێ‌ شێی رابی من گۆتێ‌ بەلێ‌ و ئەوی و ئێكی دی دەستێن خوە هاڤێـن بن كەفشێ‌ من و كرمە دنافبەینا خوە دا ل ترۆمبێلێ‌ و پێنج خولەكا ڤەگوهاستمە شكەكا دی یا ئسخباراتێ‌ و من دیت كەسەكی مەزن و زەخم ل بەر دەرگەهی یە و شورەتەكێ‌ ل بەر و یێ‌ رونشتی یە و ب تێلەفونێ‌ تاخفت و ئەو براهیمێ‌ كورد ملێ‌ من گرتیە ئەگەر دێ‌ كەڤم و یێ‌ ب تێلەفونێ‌ بێژیت گەهشت و دووف دا هات بەرامبەر من و ئالەكا من بلندكر و دەستێ‌ خوە بلندكر و ل ناف چاڤێن من دا و دا كەڤم ئەوا هەر دوكان نەهێلا بكەم.
دووف دا شەقكا دی دانا من و دووف دا گۆتە ئەوا هەر دو جندیان ب هاڤێژنە زیندانێ‌ ڤە و مەغرب بوومن بینن دا بكەمە شیف هوسا من هزر كر ئەڤە مرۆڤەكێ‌ زەخمە و مرۆڤان دخوت و دێ‌ من خوت و ئەوا هەر دو جندیان برم نێزیكی 50 مەتران و برمە ژوورەكێ‌ بتنێ‌ و ژوورەكا دی من دیت چەند پێلاڤێن پێشمەرگا ل بەر دەرگەهی بوون من ئەو پێلاف دیتن و صەبرا من گەلەك هات چونكە من هزر كر ئەف هەڤالێن منن و من دلێ‌ خوە دا گۆت جلال حالێ‌ تەزی ب حالێ ئەڤان كەسان و هەر وەكی بالندەك بگەهیتە رەڤا خوە.

زاخۆ، دلۆڤان هالۆ:

حەبیب حاجی گولی، بەربژارێ ژمارە ١٢ ل سەر لیستا ٢٧٥ یا پارتی بازنێ دهۆكێ دیار كر، داخوازا من ژ خەلكێ قەزا باتیفا و ئیدارا سەربخوە یا زاخۆ ئەوە ئەم هەموو پێكڤە ل رۆژا  ١١/١١ ب ئێك دەنگ و رەنگ بچینە سەر سندۆقێن دەنگدانێ و دەنگێ خوە بدەینە لیستا ٢٧٥ یا پارتی دیموكراتی كوردستان، چونكی ئەگەر پارتی دیمۆكراتی كوردستان یا ب هێزبیت، كورد ب هێزن و ئەگەر پارتی یا سەركەفتی بیت كورد و كوردستان ژی د سەركەفتینە.

حەبیب حاجی گولی بەربژارێ ژمارە ١٢ ل سەر لیستا ٢٧٥ یا پارتی دیمۆكراتی كوردستان ل بازنێ دهۆكێ ل ئیدارا سەربخوە یا زاخۆ د دیدارەكێ دا بۆ ڕۆژناما ئەڤرۆ دیار كر، مافێن دەستووری و یاسایی یێن هەرێما كوردستانێ یێن ل بەغدا، لەورا پێدڤییە ئەم پشكداریێ د پەرلەمانێ ئیراقێ دا بكەین، دا كو ئەم بشێین ب گوفتوگویێ داخوازا مافێن گەلێ خوە بكەین، مە ژی یا خوە بەربژار كری كو ئەم خوە ب نوونەر و خزمەتكارێ مللەتێ خوە دزانین، ئەم دێ بزاڤان كەین داخوازی و مافێن مللەتێ خوە د یاسا و دەستوورێ ئیراقێ دا بجهبینین، وەكو ماددێ ١٤٠ و بودجەیا هەرێما كوردستانێ و مافێن قوتابی و ئافرەت و كێم ئەندام و زیندانیێن سیاسی.
ناڤهاتی ئاماژە ب وێ چەندێ ژی كر، پێدڤییە خەلكێ مە دەنگێ خوە بدەتە لیستا ٢٧٥ یا پارتی دیموكراتی كوردستان، لیستا شەهیدان و لیستا سەرۆك بارزانی، لیستا حزبەكێ یە كو ڤێ حزبێ بۆ دەمێ ٧٩ سالان سەركێشیا مللەتێ كورد و كوردستانێ كریە، شۆرەشا بۆ ڤی مللەتی كری و شەهید یێن داین، بارزانیێ نەمر هەموو ژیێ خوە بۆ كورد و كوردستانێ تەرخانكریە.
گۆت ژی : «مللەتێ مە یێ چاڤ ڤەكری و هشیارە، لەورا دڤێت خەلكێ مە شیان و رابردوو و خزمەتا ڤان بەربژاران بەرچاڤ وەرگرن و نوونەرێن خوە یێن راستەقینە هەلبژێرن، چونكی ئەو نوونەرێن راستەقینە یێن مللەتێ كوردن، بەرژەوەندیا مللەتێ خوە بەری بەرژەوەندیا خوە د دانن، بلا حزب و خەلك ژی چاڤدێرێن كارێ مە بن، چونكی باوەریا دایە مە، ئەگەر وان دیت ئەم بتنێ بۆ بەرژەوەندیێن خوە كار دكەین، بلا مە لادەن و هندەكێن دی داننە جهێ مە».
زێدەتر ژی گۆت: «ئەز خەلكێ قەزا باتیفا مە ل ئیدارا سەربخوە یا زاخۆ، هەلگرێ باوەرناما زانستێن سیاسی مە، دەرچوویێ خۆلا نەهێ یا پەیمانگەها كادرێن پارتی مە، ل سالا ١٩٧٩ بوویمە پێشمەرگە، و ل سالا ١٩٩٢ هەتا سالا ٢٠٠٨ من ل ئیدارا حكۆمەتا هەرێما كوردستانێ كاركریە، و خودان كۆمەكا شەهیدانین و دەروێشێن رێبازا پیرۆزا بارزانیێ نەمرین».

رەمەزان زەكەریا

ئەندازیار پەروین ئەكرەم گۆران، بەربژارا ژمارە 10 ل سەر لیستا 275 یا پارتی دیموكراتی كوردستان ل بازنەیێ دهۆك بۆ رۆژناما ئەڤرۆ گۆت: ئەم ب تنێ بۆ پارتی كارناكەین، ئەم وەك پارتی دێ بۆ هەموو كوردستانیان ل ناڤ هولا پەرلەمانێ ئیراقێ كاركەین، بۆ هەموو پێكهاتەیێن ل ناڤ ئیراقێ دا دژین بێ جوداهی، دێ كاركەین بۆ ب دەستڤەئینانا دەستكەفێن زێدەتر بۆ هەموو خەلكێ كوردستانێ و ئیراقێ

ئەندازیار پەروین ئەكرەم گۆران دیار كر ئێكەم كارێ من دێ چارەكرنا ئاریشێن سەرەكی یێن وەلاتیان بن، دێ كاركەم ئەو تشتێ پێدڤی بیت ل دەڤەرێ و هەموو كوردستانێ، د هەمان دەم دا دەڤەرا شێخان ب كەرتێ چاندنێ ناڤدارە بۆ پاراستنا بەرهەمێ جوتیاران و ساخكرنا وان ل ناڤ بازاری دا، هەر كارەك بهێتە كرن ژلایێ حكومەتا ئیراقێ بۆ جوتیارێن ناڤەراستا ئیراقێ دێ كاركەین ئەو كار بۆ جوتیارێن كوردستانێ ژی بهێتە كرن دێ ب هەموو شیانێن خۆ بەرەڤانیێ ژ مافێن جوتیارێن كوردستانێ كەم، دێ كار بۆ جێبەجێكرنا مافێن گەنجان و كرێكاران كەم بۆ وێ ئێكێ خەلكێ كوردستانێ مفاداربیت ژ وان كارێن ل ئیراقێ دهێنە كرن، دێ كار بۆ بهێزكرنا ژێرخانا ئابووریا كوردستانێ كەم دگەل حكومەتا هەرێما كوردستانێ.
ئەندازیار پەروین گۆت: ئێكگرتنا كوردان ل ناڤ پەرلەمانێ ئیراقێ گەلەك گرنگ و پێدڤیە بوو ب دەستڤەئینانا ئەرك و مافێن كوردان هەموو فراكسیۆنێن كورد یێن ناڤ پەرلەمانی دگەل پارتی ئێك دەنگ و رەنگ بن بۆ وەرگرتنا مافێن كوردان، پارتی ئێكەم لایەن بوویە كار بۆ كوردو كوردستانیان كریە و دخوازین لایەنێن دی پشتەڤانیا پەیاما پارتی بكەن بۆ جێبەجێكرنا مافێن كوردان، پارتی خودان پرۆژەیێن نەتەوەیی و ئابووریە ل ناڤ پەرلەمانێ ئیراقێ.
گۆت ژی: هەڤپشكی و هەڤسەنگی و لهەڤكرن درۆشمێن پارتی دیموكراتی كوردستانن بۆ هەلبژاردنێن خولا شەشێ یا پەرلەمانێ ئیراقێ، درۆشمێ هەڤپشكی، هەڤپشكی ل پێكئینانا حكومەتێ و مافێن وەلاتیان، كوردان مافێن خۆ یێن پاراستنی دڤێن د كابینا نوویا حكومەتا ئیراقێ دا چەوا پێكهاتەیێن دی مافێن خۆ هەنە پێدڤیە كوردان ژی مافێن خۆ هەبن و بهێنە جێبەجێكرن، پارتی هەردەم دگەل ئاڤاكرنێ بوویە، لەورا گەلەك گرنگی ب ئاڤاكرنێ دایە و پێنگاڤێن وێ گەشبین بوونە، چەندین سالە بۆ سازانێ كاردكەت.
خویاكر: هۆكارێ چارەسەرنەكرنا ئاریشەیێن دناڤبەرا حكومەتا هەرێما كوردستانێ و ئیراقێ، ئیراق ب خوەیە، لەورا نەهاتینە چارەسەركرن و ئەگەر ئەڤ ستافێ نوكە حوكمران ل ناڤ كابینا حكومەتێ نەمینن دێ چارەسەری هێتە دیتن بۆ ڤان پرسێن ئالۆزێن نوكە هەیی، كورد هەردەم دەستپێشخەر بووینە بۆ چارەسەركرنێ، تایبەت پارتی گەلەك قوربانی داینە پێخەمەت ب دەستڤەئینانا مافێن وەلاتی و مووچە خۆرێن كوردستانێ، ب هیڤینە رەوش بەرەڤ باشیێ بچیت، ئەڤ هەلبژاردنە یا گرنگە بۆ چارەسەركرنا ئاریشێن بەردەوام روو بروویێ كوردان بووی.
تەكەزكر : پارتی دیموكراتی كوردستان چەندین رێكخراو دامەزراندینە بۆ پشتەڤانیكرن و ئاڤاكرنا ئافرەتان و گەنجان، ئەڤ چینە هێزا ئاڤاكرنا وەلاتینە، پێدڤیە بەردەوام پشتەڤانی لێ بهێتە كرن پارتی گەلەك كار كریە بۆ ئافرەتان و گەنجان تایبەت دەرچوویێن پەیمانگەهـ و زانكۆیان بەرهەڤكەین بۆ بازارێ كاری.
پەروین ئەكرەم گۆران: سالا 1992 ژ دایكبوویە، زمانێ عەرەبی و ئینگلیزی دزانیت، بەكالۆریۆس هەیە ل ئەندازیاریا مەدەنی، ل بوارێ نەفتێ گازێ كاركریە و ب تایبەت وەك دیزاینەر ل ناڤ زەڤیێن نەفتێ دگەل كۆمپانیێن نەفتێ وەك دیزاینەر كارێن مەزن بۆ پارزینگەهێن نەفتێ ل كوردستانێ كریە.