سالار محەمەد دۆسكی:

4-7

پێشمەرگەیێ‌ شۆڕشا گولانێ‌ ئسماعیل سادق عەزیز بێتكاری بەرواری. بەحسێ‌ بریندار بوونا خوە كر و گۆت: هەمی جەژنێن نەوروزێ‌ مە شەردكر و مە ئاگرێ‌ نەوروزێ‌ هەل دكر، رەبیا شورتێ‌ ئەم داخازكرین و ئەم 18 پێشمەرگە یێن هێرشا ئێكێ‌ بووین و ژ ئەڤێ‌ هژمارێ‌ سێ‌ شەهید بوون و ئەم 14 پێشمەرگە بریندار بوون و بتنێ‌ ئێك مابوو و ل دووف پلانا هاتیەدانان دو هێرش بوون و ئەم پێشمەرگەیێن هێرشا ئێكێ‌ بووین، و (سەلام و توفیق و عەبابكەر) هەرسێ‌ شەهید بوون و دەمی ئەژی بریندار ب بووم، بەرهەڤی بۆ هێرشێ‌ هێشتا ئێڤار بوو و رۆژ مابوو مە خوە چلی كر، و مە زی بەرهەڤیێن خوە كرن مە گۆت هێشتا فرۆكە نەهاتین و ئەم چووینە بەر رەبیێ‌ و دەمێ مە هێرش كری مە رەبی پیچكر و ئەم ب نارنجوكا چووینە درەبیێ‌ دا و هەمان دەم ئەواژی ب نارنجوكا دانا مە و ئەم ب ناڤ ئێك كەفتین و هەڤالێن مە هەمان دەم كەفتنە تورا ئەلغاما و ئەلغام ب مەڤە تەقین و هەمان دەم نارونجا ژی مە دهاڤێـنە ئێكودو و مە شەر ژی كر، وی شەری دا ئەز دو جاران بریندار بووم و جارەكێ‌ ب نارنجوكا و هەتا نوكە جهێ‌ وا لەشێ‌ من دا ماینە و بریندار بوونا دوێ‌ ژی دەمێ‌ هەڤالێن مە كەفتینە تورا ئەلغاما و هەتا نوكە سەجمێن ئەلغاما ژی د دیارن و مە رەبی پیكر و لدووف پێزانیێن ب دەت مە كەفتین 28 كەس ژ دومژنی هاتنە كوشتن و هێزا مە یا دووێ‌ مە حەجی محمیدێ‌ بامەرنی هەبوو، و ئەو نێچیرڤان ئەحمەد پارێزەرێ‌ دهۆكێ‌ یێ‌ بەرێ‌ هاتن هاریكاریا مەكر و دیسا وێ‌ هێرشێ‌ پیێشمەرگەی ئەم وێنە ژی دكرین دەمێ‌ مە هێرش بری بەلێ‌ نوزانم ئەو وێنە ماینە یان نە.
پێشمەرگەیێ‌ شۆڕشا گولانێ‌ ئسماعیل سادق عەزیز بێتكاری بەرواری، زێدەتر گۆت: چالاكیا سەرێ‌ بادوكێ‌ مە سێ‌ رەبیێن جاشا راكرن، وی دەمی بەرپرسێ‌ لقێ‌ خودێ‌ ژێ‌ رازی نەجمەدین یوسف بوو خودێ‌ ژێ‌ رازی بیت، وی دەمی رۆژنامەڤانەكێ‌ بریتانی هاتبوو و هشیار زێباری ل گەل دا بوو وی رۆژنامەڤانی دگۆت ئەم حەز دكەین هێرشەك پێشمەرگەی ببین كا چەوا هوون هێرشا دكە نوی رۆژنامەڤانی گۆتی ئەگەر هوون هێرشێ‌ بكەن، ئەز دێ‌ هەوە وێنەكەم و دەمێ‌ مە هێرشی رەبیێن بادوكێ‌ كرین و مە هەرسێ‌ رەبی راكرین هەڤالەكێ‌ مە شەهید بوو و دو هەڤالێن مە ژی بریندار بوون و ئەوی رۆژنامەڤانی وێنەدكر و گەلەك سەرسورمان بوو ب هێرشا پێشمەرگەی و قارەمانی و مێرخاسی یا خەلكێ‌ كوردستانێ‌ و تایبەت دەمێ‌ هێرش كرین، وی دەمی كوردینی گەلەك یا شرین بوو و دەمێ‌ مە بەرهەڤی بۆ هێرشەكێ‌ یان چالاكیەكا لەشكری كربان بەری وێ‌ چالاكیێ‌ دا ناڤا نڤیسین و دەمێ‌ مە ناڤێ‌ ئێكی نە نڤیسیبا دا بێژیت بۆچی هەوە ناڤێ‌ من نەنڤسیی یە ما ئەز ترسم و دڤێت ئەژی بهێم و گەلەك گڤاشتنكرن، و یێ‌ بەرهەڤ بوو گیانێ‌ خوە بكەتە قوربانی بۆ ئاخا كوردستانێ‌ و كەسەكێ‌ خوە نەداپا ژ چالاكیەكا لەشكری یان هێرشەكێ‌ یان هەر بزاڤەكا هاتباكرن دژی دوژمنی چونكە هەمی ب روح و جان ل گەل مللەت و سەركردایەتی یا خوە بوون، و ئەڤە بوو ڤیان و عەشقا هەمی پێشمەرە دكرنە ئێك دەنگ و دل و ئێك دەست و باوەر بكە گەلەك جاران ناڤێ‌ هندەك پێ شمەرگان نە نڤسیی یە ئەو پێشمەرگە تورە بوویە و سل بوویە و دەمێ‌ هێرشێ‌ یان چالاكیەكا لەشكەری گەلەك ب عەشق و ڤیان و شێرانە پێشمەرگەی هێرش دكر.
پێشمەرگەیێ‌ شۆڕشا گولانێ‌ ئسماعیل سادق عەزیز بێتكاری بەرواری گۆتژی: وی دەمی رێكخراوا مە وەك پێشتر من ئاماژە پێكری ژ بەر هاتنا گەلەك پێشمەرگەی ب بوونە دو رێكخروا یا شەهید خدر و رێكخروا سەلاحەددین و ل سالا 1985 داستانا سەرێ‌ ئامێدیێ‌ ئەم شیاین سێ‌ رەبیێن دوژمنی راكەین و چەند پێشمەرگە شەهید و بریندار بوون و خودێ‌ ژێ‌ رازی (سەید سالح) سەرپەرشتی یا شەری دكر و چەندین رێكخرا و پشكداری ڤێ‌ هێرشێ‌ بوون ئەو ژی رێكخراوێن (شەهید خدر، عەبدوالرحمان حەمدی، رێكخراوا سلاحەددین) بارەگایێ‌ لقێ‌ بوو و چەند رێكخراوێن ئامێدیێ‌ ب هاوبەشی ئەف كارە ئەنجام دا، وی دەمی كار ب هاوبەشی دهاتەكرن و پلان دهاتەدانان پێشتر و سەركردێن پێشمەرگەی پكڤە كوم دبوون و بەرهەڤی پێشتر دهاتنەكرن و دیفچوونا جهێ‌ هێرشێ‌ دهاتەكرن و پێشتر دا ئەلغاما راكەن و دوڤدا ناڤێن پێشمەرگە و جه دهاتنە دەست نیشانكرن و نڤێسین و دووف دا ب پلان و بەرنامە هێرشێ‌ دەستپێكر.
پێشمەرگەیێ‌ شۆڕشا گولانێ‌ ئسماعیل سادق عەزیز بێتكاری بەرواری ئەو ژی گۆت: دژیانا خوە یا پێشمەرگاتیێ‌ دا من دو چالاكیێن مەزن كرینە و چ جاران ژ بیر ناكەم ئێك داستانا كانی ماسێ‌ گەلەك یا بزحمەت و نەخوش بوو و سەقایێ‌ نەخوش بوو و سارما بوو ئەوێ‌ سارمایێ‌ كارتێكرن ل سەر مە كر، و ژ دەمژمێر 12 ئەم ماینە ل سەر پێن خوە وێ‌ شەڤێ‌ دەواتەكا مەسیحی یا ل كانی ماسێ‌ بوو و ئەو رەبیا ئەم چووینێ‌ یا كانێتە بوو ئەوا ل هنداف بێدهێ‌ و رەبیەكا نەخوش بوو، وی دەمی د.رۆژ نوری شاویس سەرپەرشتێ‌ گشتیێ‌ داستانا كانی ماسێ‌ بوو و بیرا من دهێت وی گۆتە مە ئەگەر هوون ڤێ‌ رەبی نەشێن راكەن و ئەم چالاكیا كانی ماسێ‌ ب سەرناكەڤین و دڤێت هەر زووی ئەف رەبیە بهێتە راكرن و (محەمەد سالح بوتی) بەرپرسێ‌ لژنا ئامێدیێ‌ بوو خودێ‌ ژێ‌ رازی بیت ئەو ل داستانا كانی ماسێ‌ شەهید بوو ول دووف پلان و بەرنامێ‌ هاتیەدانان ئێكەم جار تەقە لیوایێ‌ هاتەكرن و ئەو دەسپێك بوو بۆ هێرشێ‌، و دوڤدا مە هەمیان پێكڤە هێرش كر و ل دوژمنی دا ل دووف بەرنامە و پلان و جهێن بوومە هاتینە دەست نیشانكرن و ل دەسپێكێ‌ زێرەڤان ئاگەه ژ مە هەبوو و ل دەسپێكێ‌ سە هاتنە مە و من گۆتە هەڤالێن خوە دەڤێن خوە بگرن و بلا دەنگێ‌ مە نەچیت و سا ئاگەه ژ مە نەبیت چونكە ئەڤە سە یێ‌ نێزیكی مە دبن و مە ب چاڤێن خوە دیت چار هەتا پێنچ جندیا هاتن و قەستا مە كر، و هەڤالكێ‌ من ئەز ئاگەهداركرم و گۆت جندی هاتن و من گۆتێ‌ راوستە هێشتا هێزا مە مایە و جارێ‌ كانی ماسێ‌ هێرش نەكریە، و ئەگەر ئەم نوكە هێرشێ‌ بكەین دێ‌ پلان هێتە تێكدان و كانی ماسێ‌ ناكەڤیت و ئەو جندی هاتن ل نێزیكی مە رونشتنە خوارێ‌ و تاڤە هەیڤ بوو و ل گەل هێرشا پێشمەرگەی مە ژی هێرش كر، و ئەم چووینە رەبیێ‌ دا و مە رەبیی ب زووترین دەم ستاند(18) جندی مە ئێخسیر كرن، و چار هاتنە كوشتن و ناڤێ‌ ئەفسەرێ‌ وان مولازم خەمیس بوو وی گۆت ئەم ژی دا خوە ڕادەستی هەوە كەین بەلێ‌ مە هزر كر دێ‌ مە كوژن و ئەم دو رۆژا ماینە ل كانی ماسێ‌ و فرۆكە ژی نهاتن و رۆژا سیێ‌ فرۆكە هاتن و بۆمبە لێدان و مە هزر كر كێمایی وی هاڤێت و لەوما دبێژم داستانا كانی ماسێ‌ یا نەخوش بوو، و مە ب چەك و جلك ڤە خوە هاڤێتە رویباری دا و مە هزرا هاڤێتنا كێمیاوی كر و پاشی كێماوی نە بوو و ئەم وێ‌ شەڤێ‌ ماینە ل كانی ماسێ‌ و ئەم چووینە رەبیا سەر زێری و هێشتا ئەو مابوو خوە رادەست نەكربوو.