سالار محەمەد دۆسكی:

5- 7

ناڤبری هێشتا گۆت: پتریا كومبوونێن مەیێن سكرتاریەتێ‌ ل بەغدا ل بارەگایێ‌ لقا پێنچ ل بەغدا دهاتنە ئەنجامدان (زەكی ئیسماعیل حەقی دولەكەری) هاتنە لایێ‌ نە و پرسیاركر كو جەماعەتێن بەهدینان كی ڤێرە یە و هەڤالان نیشادام و گۆت ئەم بناڤێ‌ مەكتەبا سیاسی حەز دكەین تە راسپادەین بناڤێ‌ سكرتاریەتا ئێ:ەتیا لاوێن كوردستانێ‌ و دامەزراندنا لقێ‌ بادینان بكەین و من گۆتێ‌ بەرهەڤم و دێ‌ پێ‌ رابم و هاتمە مویسل و مە ناوچەك دروستكر و (سەمەد سلێڤانەی) مە كرە بەرپرس و كومەكا گەنجا مە دانە گەل و ل دهۆكێ‌ بەرپرسێ‌ مە(عەبدوالعزیز مزیری) دانا و ئاكرێ‌ (حكمەت ملا محەمەد) بەرپرس ل گەل( رەمەزان خالد ،سالح یاسین، محەمەد یوسف) كومەكا دی ل گەل بوون ب كارێ‌ ئێكەتیا لاوان رابن و ل شێخان ژی(عسمەت محەمەد عەلی و محەمەد ئەمین شێخكی) مەكرنە بەرپرسێن دەستەیێ‌ ل ڤێرە پەیوەندیێن مە راستەو خو ل گەل مەكتەبا سیاسی بهێز كەفتن هەر ب رێكا ئێكەتیا لاوان و سكرتاریەتا قوتابیان و خودێ‌ ژێ‌ رازی (سامی شنگالی) بەرپرسێ‌ رێكخراوا بوو، چالاكیێن مە ل شنگال گەلەك ب قوت بوون و هەڤالێن لقێ‌ ئێك ل مویسل دڤیا بهێنە دناڤدا و مە گۆت ئەم پەیوەندێی ل گەل سەركرداتیێ‌ دكەین ل گەل مەكەتبا سیاسی و چەند جاران مە هەڤالێن لقێ‌ مێهڤانكرن ل سەیرانا و جارەكێ‌ مە چەند ترۆمبێل بۆ سەیرانێ‌ گرت بوون و دو ترۆمبێل تایبەت كچان بوون و كەسەكێ‌ لقێ‌ پێش ترۆمبێلان كەفت و گولێن دەمانجێ‌ هاڤێتن و ئەم گەهشتینە جهێ‌ خوە و مە گۆتی ئێدی ئەم ئەڤان مێهڤان ناكەین، جارەكێ‌ ژی پارێزگەرێ‌ مویسل (خالد عەبد ولحەلیم) بوو مرۆڤەكێ‌ گەلەك رژد بوو رێككەفتنا 11ی ئاددارێ‌ سەربگریت و ئەندامەكێ‌ لژنا نڤێسینا رێكەفتنێ‌ بوو وگەلەك جاران ل گەل نەمر بارزانی كومبوویە، دەمێ‌ كاودانێن كوشتنا قائیمقامێ‌ شنگال چێبووی و بابەت گەهشت بوو بارزانی پارێزگەری گۆت دێ‌ ل گەل هەوە روینمەخوار و ئەم لەقێ‌ بووین و پارێزگەر هات و گازندەكرن و گۆت دەمێ‌ ئاریشە دروست بن دڤێت ئەم دناڤبەرا خوە دا چارەسەر بكەین، وەك لژنا ئێمناهیێ‌ و بەعسی و هاریكاربین بۆ ئێكودو و بابەتی نەگەهینە سەری دا ئاریشە دروست نەبن و بەیانا 11 ئادارێ‌ دروست جهێ‌ خوە بگریت، و هەتا گۆت بارزانی مرۆڤەكێ‌ مەزنە ب ژی ڤە و مە نەڤێت رێككەفتنا 11ی ئادارێ‌ تێك بچیت و بەرپرسێ‌ لقێ‌ نەشیا ئێك پەیف باخڤیت، و پشتی پارێزگار چووی بەرپرسێ‌ لقێ‌ گۆت هوون بوو نائاخڤن جارێن هوسا باخڤن و مە گۆت مە دەلیڤە دایە تە دل شكەستنەك چێبوو، جارەكا دی مە رێككەفتن ل گەل مەكتەبا تەنفیزی یا بەغدا ئێكەتیا نشتمانی یا قوتابیێن بەعسی كو ئەوجهێن زورینە عەرەب بن برێڤەبرنا كاری ئەو بكەن، و بتنێ‌ مە ماف راگەهاندنا بەلاڤووكێن رەوشەنبیری هەبیت و بەلاڤووكێن دیواری و دەڤەرێن كوردی ژی ب هەمان شێوە ئەوان ماف هەبیت و مە بەلاڤوووك ل كولیژا پزیشكی دابوو گەلەك یا بهێز بوو قوتابیێن رەوشەنبیری پتریا تێداكربوو و قوتابیێن بەعسی ئالوز ب بوون و بزاڤا گێرانا پلانەكێ‌ دكر و گوتارێن بهێز تێدابوون و بەعسیا هندەك هاندان كو رەخنێ‌ بكەن و خوپیشاندەكێ‌ دژی گوتارەكا وێ‌ بەلاڤووكێ‌ ل كولیژێ‌ بكەن و بابەت گەهشتە لقێ‌ ل مویسل و بەرپرسێ‌ لقێ‌ گۆت دێ‌ هێمە دەف هەوە كومبوونەكێ‌ كەین و ئەم كومبووین و ئاخفتن هاتنەكرن و گۆت دێ‌ بەلاڤووكێ‌ راكەین و من گۆت دێ‌ بۆچی راكەین گۆت ئاریشە دروست بن من گۆتێ‌ بریار ل گەل مەكتەبا تەنفیزی یا بەعیسان دایە (كەریم ملا محەمەد) سكرتێرێ‌ وان ئیمزا كریە، و ئەڤە بریار مە هەردوكانە بەلێ‌ ئەم دشێین هندەك گۆتارا بەلاڤ نەكەین، و هندەك چاكسازیا بكەین( عەلی شنگالی) گۆت نەخێر دڤێت نەمینت و من گۆتێ‌ ناڕاكەین و دەركەفت و نڤیسار بلندكرن و گۆت بێی مە پەیوەندیان ل گەل دەرڤە دكەت ئەڤە سالا 1973 ئەز رونشتم بەلێ‌ هەر من پەیوەندی ل گەل بەغدا هەبوو، و دەست كاری یا بەرپرسێن مە ل مویسل دناڤ رێكخراوێن پیشەیی كاودانەكێ‌ نەخوش دروستكر.
ناڤهاتی هەروەسا گۆت: سالا 1971 (سامی شنگالی) هاتە بەغدا و گۆت دڤێت كونفرانسەكی بكەین مە گۆتێ‌ بۆچی بكەین؟ مە گۆتێ‌ كونگرەی ئەڤە داناینە و كونفرانس نەشێت ئەڤان ب گوهوریت و سامی رژد بوو ل سەر هزرا خوە كونفرانس بكەین و ئەم سێ‌ كەس نەچووین (د.سەباح، ئەنوەر عەبدوللا، قادر محەمەد ئەمین) ئەوا كومبوون كرن و سامی گۆت ناڤێ‌ سەباح بكەنە د سەركردایەتی یا نوی دا و (عادل موراد) بوو سەرۆك و ئەڤێن دی مانە ل گەل و چەند جەماعەتێن ئێكەتیێ‌ ژی وەك ( فازل ملا محمود، جەمیل رێنجبەر، فازل) ئەم بووینە سەركردایەتیەكا نوو و (عادل موراد) بۆ بەرپرسێ‌ ئێكەتی قوتابیان هەتا سالا 1973 بڤی رەنگی بوو، وێ‌ سالێ‌ دناڤبەرا من و لقێ‌ ئێك تێكچوو چونكە من مایتێكرنێن حزبیێن لقێ‌ قەبوولنەدكرن و مە پەیوەندی ل گەل مەتەبا سیاسی هەبوون و مایتكرنێن وا نەدباش بوون و پێشتر هاتبوومە وەرگرتن ل كولیژا پۆلیسان كو دەربچم وەك نوشدارێ‌ پۆلیسان و یا لەشكری ژی هەبوو و پشتی ئەم دەرچووین یا پۆلیسان نەما و ئەم هاتینە ڕەوانەكرن بۆ یا لەشكری و مە بەكالوریسا لەشكری و بەكالوریوسا نشتەرگەریا كولیژا نشوداری وەرگرت، و دەرچووم و كاودان هوسا چوون بكەڤینە ژیانەكا لەشكری، ل سالا 1974 ل نەخوشخانا (رەشید) هاتمە دامەزراندن بوهارا هەمان سال پشكداری خولەكا لەشكری بووم دا بەكالوریوسا خوە تەمام بكەم وی دەمی شەر دەرسپێكر و ئەم دووری روودانا بووین، و نەشیاین كەسەكێ‌ ببینین چ بكەین و من گۆت دێ‌ قەتیم هەتا خوە نێزیكی شۆڕەشێ‌ بكەین، و هەتا بوهارا 1975 ڤەگوهاستنێن مە دەرچوون ل نەخوشخانا (رەشید) و من خوە ل گەل ئێكی گوهارت و هاتمە (باتاسێ‌) من دڤیا خوە نێزیكی شۆڕەشێ‌ بكەم هاتمە (باتاسێ‌) ل گەل لیوایەكێ‌ و دەمێ‌ هاتیم پرا كەلەكێ‌ هاتبوو هەرفاندن لایێ‌ شۆڕەشێ‌ ڤە دشیام نەچم هەتا پر دروست بیت من گۆتێ‌ دێ‌ چم و من ترۆمبێل هەبوو دەربازبووم و گەهشمە ترۆمبێلا من ژ كار كەفت، و هەتا هەولێرێ‌ مە ڤە گوهاست و رۆژا پاشتر چوومە جهێ‌ خوە و چەند رۆژ چوون و شۆڕەش تێكچوو و دلێ‌ مە گەلەك شكەست و كاودانێن نەخوش دروست بوون و نەگەهشتمە شۆڕەشێ‌ و من گۆت رەوشتێ‌ كوردینیێ‌ هەیە و دێ‌ چاڤەرێی شورەشێ‌ بم، ل شۆڕەشا گولانێ‌ ژی چەندین پێنگاڤێن باش مە هاڤێتن و ل بەغدا پتریا تشتێن پزیشكی من كرنە كارتوونا دا و ب رێكا (حەجی عەبدوللا) خەلكێ‌ قەسرۆكێ‌ بوو و كورێ‌ وی (حجی حسێن) ئەوی دگەهاندە شۆڕەشێ‌ و گەلەك جاران ژی ب رێكا (ئیبراهیم ئاغا بشدەری) مە پێشمەرگەیێن بریندار دگەهاندنە نەخوشخانا لەشكری و مە دگۆتێ‌ ئەڤە چەتێن حوكمەتێ‌ نە و گەلەك ژی مە سێدارێ‌ قورتالكرن و بابەت ل سەر هەبوون سەرا شۆڕەشێ‌.