پتریا جاران ئەو زارۆکێن ئۆتیزم Autism ل دەف هەین، خودان وزە و تاقەتەکا مەزنن، بەلێ ئەڤ هێزە ب رێکێن جودا جودا دەربڕین ژێ دهێتە کرن (وەکی زێدە لڤی؛ن، دووبارەکرنا هندەک لڤینان، یان تووڕەبوون). ئەگەر ئەڤ هێزە ب رێکەکا دروست بهێتە ئارەستەکرن، دشێن ب شێوەیەکێ ئەرێنی بکاربینین کو هاریکاریا وان بکەت بۆ گەشەکرنێ.
… ئەڤێن خوارێ هندەک رێکێن ب مفانە بۆ دایبابان:
-1 چالاکیا جەستەیی (گەلەک گرنگە)
* رۆژانە چالاکیەکا جەستەیی ئەنجام بدەن (وەکی غاردانێ، چاندنا داران، یان بایسکل سواربوونێ).
* دەرکەفتن بۆ دەرڤە ژبۆ کێشانا هەوایێ پاقژ (چ ل باخچان یان جهێن ڤەکری).
* ئەڤ چالاکیە هێزا زارۆکی ڤاڵا دکەتن و هەستێ ئارامیێ ددەتێ.
-2 یاریێن رێکخستی
* یاریێن وەکی (پەزل/Puzzles)، یان لێگۆ Lego، یان رێزبەرکرنا تشتان.
* ئەڤ یاریە هەست و هزرا زارۆکی رێکدێخن.
-3 ئەرکێن دووبارکریە (ب شێوەیەکێ دروست)
* ئەگەر زارۆک حەز بکەت تشتەکی دووبارە بکەت، بلا ب شێوێ یاری یان ئەزموونەکا فێربوونێ بیت.
* بۆ نموونە: تەرتیبکرنا سێگوشەیان.
-4 رۆتینا رۆژانە
* دەمەکی دەستنیشانکری هەبت بۆ یاریێ، و خارنێ، و یان نڤستنێ بهێتە دانین.
* ئەڤ چەندە هەستەکێ ئارام ددەتە زارۆکی و تووڕەبوونێ کێم دکەت.
-5 مۆزیک و ستران
* ستران گۆتن و لڤین دگەل موزیکێ.
* گەلەک ژ زارۆکێن ئۆتیزم حەز ژ ڤان تشتان دکەن.
-6 چالاکیێن هەستی Sensory Activities
* یاریکردن ب ئاڤێ، وخیزێ ، و تشتێن نەرم ونازک.
* ئەڤ چالاکیە هاریکاریا وان دکەن هێزا خۆ ب رێکەکا باش مەزێخن.
-7 فێرکرنا زارۆکان بۆ دەربڕینا هەستان وهەروەسا چاوانییا ڕێکخستنێ “لێکدانێ” چ ب ڕێکا (پەیڤان، یان ب وێنەیان، یان ب ئاماژەیێن دەستان).
* ئەڤ چەندە دبیتە ئەگەرێ کێمبوونا تووڕەبوونێ.
زاڕۆکــێن ئـۆتیزمـێ خـودان وزەیەکا ب هـێزن
نيشاندان