رەمەزان دەشتمری/ زاخۆ

6-8

ئەز چووم دەف فەرماندە محەمەد خالد بوسەلی و من گوتێ‌ كاك محەمەد ل ئەوێ‌ شەڤا ل ل گوندی ئەز مێهڤانێ‌ ئەڤێ‌ مالێ‌ بیم و من نانێ‌ ئەوان یێ‌ خواری ئەز قەبیل ناكەم هوین ئەڤی كەسی ب ئێشینن. فەرماندە محەمەد خالد بوسەلی ڕێز ل ئاخفتنا من گرت، ئەو كەسە هاتە ئازادكرن و سۆزنامەیەك ل سەر نڤیسی كوجارەكا دیتر ئەڤان كار و ڕەفتاران دوبارە نەكەت. پاسی ئەم بۆ گوندێ‌ كەرپتێ‌ هتاتین و بۆ هەشارێ‌ ئەم بۆ گرێ‌ گربەخشو چوین. ل دەڤەكێ‌ هێرشا لەشكرێ‌ ئیراڤێ‌ بۆ پشتا گوندێ‌ هەركوندێ‌ ڤە هات و بۆ بەراهیكا ئەڤی لەشكری چوین و ئەز و براهیم و عەزەدین شیلانێ‌ ژوردا بۆ خوارێ‌ چوین و سینگ و سینگ كەفتن بەر هەژمارەكا لەشکری و هەر ئێك ژمە ل بەر قورمێ‌ دارەكێ‌ ڕوینشت و مە تەقە ل لەشكری كر.ئەوبی ل سپێدێ‌ شەڕی دەستپێكر هەتا دەمژمێر بازدەیی ڕۆژێ‌ پچەكێ‌ شەر ڕاوەستا و گەلەك لەشكرێ‌ حكومەتا ئیراقێ‌ هاتن كوشتن. ئەوبی ل بەر تەنشتا مە ل ئەوێ‌ نهالێ‌ كەلەخێ‌ دوو لەشكران كەقتبی وێرێ‌ ئەز چووم من هەردوو چەكێن ئەوان و دگەل ساجورێن ئەوان ئینان و ئەز جارەكادیتر بۆ دەف جهێ‌ خۆە زڤڕیم. من بەرێ‌ خوە دایێ‌ هەڤالێ‌ مە عەزەدین تەها شیلانی گولەیەكا كلاشینكوفێ‌ یا بەر چاڤێ‌ ئەوی كەفتی و یێ‌ ل بەر ئەوێ‌ دارێ‌ درێژبی و یێ‌ هاتیە شەهیدكرن. پشتی عەزەدین تەها شەهیدكرن من و هەڤالێ‌ خۆە خەلیل شەرنەخی جەنازێ‌ وی هەلگرت و مە بۆ سەرێ‌ ئەوێ‌ ملا ل هنداڤی مە ژ جهێ‌ شەڕی دویر ئێخست. ئەوبی دەمێ‌ لەشکرێ حكومەتا ئیراقێ‌ خۆە ڤەكێشایی ئەم لێك خڕڤەبین و مە جەنازێ‌ شەهید عەزەدین تەها شیلانێ‌ مە ئینا بۆ سەر ئەوی ڕویبارێ‌ ئاڤێ‌ مە لاشێ‌ وی شویتن و ل ئەوێ‌ بەتەنا پشتا گوندێ‌ هەركوندێ‌ مە ل بەر دارەكا قاچێ‌ ڤەشارت. وەسا دەمێ‌ حزبا پارتی گەل بارەگایێ‌ خوە بۆ گولیێ‌ سەناتێ‌ ئینایی ئەم بۆ ئەوێ‌ دەڤەرێ‌ چوین و بۆ ماوێ‌ دوو هەیڤان ئەم ل وێرێ‌ ماین و هەر وەسا ئەوی ماوەیی دا مە دوو حاران ب چەكێ‌ توپا هەشتێ‌ و دوو ملم مە بارەگایێ‌ فەوجا دەشتەتەخێ‌ گولەبارانكر.
ل دەستپێكا سالا 1982ی ل دویف بڕیارا لیژنا ناوچا زاخۆ ئەز بۆ ڕیكخراوا خەبات هاتم ڤەگوهاستن. ل ئەوی دەمێ‌ عەمەر حسێن بەرپرسێ‌ ئەڤێ‌ ڕیكخراوێ‌ بی و سەعید سۆفی ئوسمان جێگرێ‌ ڕیكخراوێ‌ بی و سەسلیم حەجی براهیم كادرێ‌ ڕیكخراوێ‌ بی, هەر وەسا ئەز ژی بیم ئامر مەفرەزێ‌ ئەڤێ‌ ڕێكخراوێ‌. ل هەیڤا ئێك یا سالا 1982ی ئێكەم چالاكیا مە یا لەشكرێ‌ ب شەڤێ‌ بۆب ۆ سەنتەرێ‌ ناحیا دەركار عەجەم هاتین و مە ب ساروخا بازوكێ‌ بارەگایێ‌ حزبا بەعس ل دەركارێ‌ گولەبارانكر. هەر وەسا پشتی بورینا دوازدە ڕۆان مە بوسەیەك دناڤبەرا گوندێ‌ ئافگەنیێ‌ و گوندێ‌ داسیكێ‌ دا مە تەقە ل دوو ترومبێلێن لەشکری كر. پاشی ئەم وەك بێهنڤەدان بۆ دەڤەرا پشت چیایێ‌ چووین و ل ئەوی دەمێ‌ مالا برایێ‌ من ل گەلیێ‌ شیڤەرمنیا بی و بۆ ماوێ‌ هەیڤەكێ‌ ل مال ماین. پشتی بورینا هەبڤەكێ‌ ژ بێهنڤەدانێ‌ ئەم هاتن ئاگەهركرن كو ل بارەگایێ‌ لیژنا ناوچا زاخۆ ل گەڤەڕوكێ‌ كوم ببن. دەمێ‌ ئەز و دگەل هەڤالێن خۆە بۆ بارەگایێ‌ لیژنا ناوچا زاخۆ هاتین و ل ئەوی دەمی بڕیار هاتەدان ئەز وەك ئامر مەفرزە و جێگر بۆ ڕیكخراوا خەبات هاتم ڤەگوهاستن. ئەو پێشمەرگەیێن دگەل مەفرەزا مە ئەڤێن ناڤێن ئەوان ل بیرا من ئەڤەبوون: محەمەد سالح میرا، عەبدوللا میرزا، رەمەزان سالح شیلی، شێخو مچولی، شەفیق، سەدیق، عەمەر نوردینی، ئەحمەد ، بلال، سیسو ئەڤێن دیتر ناڤێن ئەوان ل بیرا من نەماینە. هەلبەت ل ئەوی دەمێ‌ عەمەر حسێن بی بەرپرسێ‌ ڕیكخراوا خەبات و ئەز ژی وەك جێگرێ‌ ڕیكخراوێ‌ و ئامر مەفرەزە و دگەل مەفرەوا دەروێش یوسف پەرەخی ژ بارەگایێ‌ لیژنا ناوچا زاخۆ بۆ دەڤەرێ‌ هاتین. دگەل ڕۆژئاڤابونێ‌ ئەم گەهستن بۆ گوندێ‌ دایسێ‌ و مە شیڤ ل گوندی خوار و ب شەڤێ‌ ئەم ل جادا گشتی دەربازبین و بۆ گوندێ‌ مێرگەسورا هاتین. پشتی بورینا حەفتیەكێ‌ مە بڕیا ردا چالاكیەكا لەشكەری ل ناڤ سەنتەرێ‌ باژێڕێ‌ زاخۆ دا بكین. ئەوبی ل نتاڤەڕاستا هەیڤا دەهـ ئەم بۆ دەڤەرا گوندێ‌ گوندك و جەلالا هاتین و مە ل وێرێ‌ شیڤخوار و ئەم ب شەڤێ‌ بۆ ناڤ سەنتەرێ‌ باژێڕێ‌ زاخۆ هاتین ومە بوسەیەك ل تاخێ‌ سێمالكا دەینا و ل ئەوی دەمێ‌ ترومبێلەكا لەشكری وەكو دەوریە بۆ ئەوی تاخی هات و مە تەقە ل ئەڤێ‌ ترومبێلا لەشكری كر. د ئەنجامدا ترومبێل ژكار كەفت و مە هێرشی ئەڤێ‌ ترومبێلێ‌ كر هەژمارا شەش چەكێن ژ جورێ‌ كلاشیكوف بین دەستكەفتیێن پێشمەرگەیی و ئەم ب سلامەتی ژئەڤێ‌ چالاكیێ‌ بۆ جهێن خۆە زڤڕین. ڤێجا ب ڕێكێ‌ ڤە دوو هەڤالێن مەو یێن پێشمەرگە پێلاڤێن ئەوان قەتان و مان دناڤ تەقنێ‌ دا و پ خواس هاتن هەتا ئەم گەهشتن بۆ گوندێ‌ جەلالی و مە شیڤ ل وێرێ‌ خوار و دوو جوتێن پێلاڤێن تەك و تەك مە بۆ هەڤالێن خۆە پەیداكرن. ل دەمژمێر دوازدەیی شەڤێ‌ خەلكێ‌ گوندێ‌ ئەم ئاگەهدار كرن كو دێ‌ هێرشا لەشكرێ‌ حكومەتا ئیراقێ‌ ژفرقا زاخۆ دێ‌ بۆ سەر دەڤەرێ‌ ئێت. ل دەمێ‌ سپێدێ‌ ئەم بۆ هەشارێ‌ چوین و ل شەڤا دستر ئەم بۆ ناڤ سەرنتەرێ‌ ناحیا دەركار عەجەم چووین و مە دوو گولەیێن ژ جورێ‌ ساروخێ‌ دەینانە بارەگایێ‌ حزبا بەعس و جارەكا دیتر ئەم بۆ پاشدا زڤڕین و مە ل كومەلگەها هیزاوا شیڤ خوار و پاش ئەم بۆ گوندێ‌ بەهراڤا هاتین و مە خۆە ل بنێ‌ نهالا گوندێ‌ بەهراڤا ل هەشارێ‌ دا ماین. پشای بورینا دو روژوان ئەم ل دەڤەرێ‌ ماین ئەوبی كاك حسنی هەورێزی دگەل پێشج پێشمەرگەهان بۆ ڕێكخراوا مە یا خەبات هاتن ڤەگوهاستن. پشتی هینگێ‌ مە بڕیاردا ل دەمژمێر بوسەیەكێ‌ ل سەر جادا گشتی دناڤبەرا گوندێ‌ سەرسیلاڤكێ‌ و گوندێ‌ داسیكێ‌ دەینن و مە چەند هەڤال ل پشت خۆەڤە وەك بەرەڤانی هێلان و ئەم هەژمارا سێزدە كەسان بۆ سەر لێڤا جادا گشتی چوین و مە ترومبێل ڕاوەستاندن و پشكینین كرن.
ل دەمەكێ‌ ترومبێلەكا كوستەر هات مە ڕاوەستاند و مە بەرێ‌ خۆە دانە ناسنامێن نەفەران. و ل دەمژمێر چواری ئێڤاری لەشكرێ‌ حكومەتا ئیراقێ‌ ژ فرقا زاخۆ و ژ لیوا بێگوڤاو دگەل زریپوشان بۆ لایێ‌ مەڤە هاتن و مە و لەشکرێ ئیراقێ‌ شەڕكر و بێ‌ تەقە و بی شەڕێ‌ سینگ و سینگ و دوو هەڤالێن مە عەبدولرەحمان حەمێ‌ دێمكی و خدر گولی دشێم بێژم ئەو لەشكر ب ناڤ ئێك و دوو كەفتن. ئەوان هەردوو پێشمەرگەیان شەڕێ‌ مان و نەمانمێ‌ دكر.ل دەمەكێ‌ من گولەیەكا بەردا ترومبێلەكا لەشكری گولە ب سەرێ‌ ترومبێلێ‌ كەفت و لەشكر پاشدا زڤڕین و ئەو هەردوو هەڤالێن شیان ب سلامەتی خۆە ب گەهینن بۆ لایێ‌ مە.