ههولێر، قائید میرۆ:
بهرپرسهكێ وهزارهتا كارۆبارێن كۆمهلایهتی ئاشكرا كر، ئینانا كرێكارێن بیانی ل گورهی قانوون و رێنمایان هاتیه رێكخستن و گۆت؛ كرێكارێن بیانی مۆلهت ههیه بۆ ئێك سال كار بكهت و دشێت مۆلهتا كاركرنێ نوی بكهت، بهلێ ئەو كرێكارێن ب رێیێن فهرمی نههێنه ناڤا ههرێمێ مافێ كاركرنێ نینه.
دكتۆر سهلاح ئهنوهر، شیرهتكارێ وهزارهتا كارۆبارێن كۆمهلایهتی د دیدارەکێ دا بۆ رۆژنامەیا ئهڤرۆ دیاركر، ئینانا كرێكارێن بیانی بۆ ههرێما كوردستانێ ل گورهی قانوون و رێنمایان هاتیه رێكسختن و ههر كرێكارهكێ ژ دهرڤهی ئهڤان رێنمایان بهێته دناڤا ههرێما كوردستانێ دا مافێ كاركرنێ نینه.
د. سلاح گۆت؛ چونكه ئینانا كرێكاران ل گورهی قانوونا هژمار 71 یا سالا 1987 هاتیه رێكخستن، ههروهسا ل ههرێما كوردستانێ ژی ل گورهی رێنمایا ژمارە 2 یا سالا 2015 ێ مۆلهت دایه كۆمپانیان ل گورهی رێنمایان دشێن كرێكاران ل دهرڤه بینن بۆ ههرێما كوردستانێ،
د. سلاح ئەنوەر دیار کر ژی، ل گورهی ئامارێن بهردهست ههر ژ سالا 2007 ێ ههتا نوكه 90 هزار كرێكارێن بیانی ب رێیا كۆمپانیێن تایبهت ب ئینانا كرێكارێن بیانی هاتینه ناڤا ههرێما كوردستانێ، زۆربهیا وان كرێكاران ژی ل وهلاتێن ئیران و سوریێ و وهلاتێن دی یێن جیهانێ هاتینه و گۆت؛ زێدهتری پێنجی هزار كرێكاران هاتینه دهستهبهركرن ژلایێ وهزارهتا كارۆبارێن كۆمهلایهتی و ل گورهی قانوون و رێنمایان ههموو مافێن وان هاتینه پاراستن.
شیرهتكارێ وهزارهتا كارۆبارێن كۆمهلایهتی دیار کر کو
ئهركێ كۆمپانیا و پڕۆژهیانه ل گورهی قانوون و رێنمایێن دهستهبهرا كۆمهلایهتی گرێبهستێ دگهل كرێكارێن بیانی بكهن، چونكه خودانێ كاری و كۆمپانیا و پڕۆژه بهرپرسیارن ل ههمبهر ئهڤێ گرێبهستا دگهل كرێكارێ بیانی دهێته ئهنجامدان و گۆت؛ پێدڤیه پێگیربیت ب دانا مافێ كرێكاران، بهرۆڤاژی ههر زێدهگاڤیهك بهێتهكرن، یان مافێ كرێكاری بهێته بنپێكرن دشێت سكالایێ تۆمار بكهت و داخوازا مافێ خۆ بكهت.
دكتۆر سهلاح ئهنوهر دیار کر، ئینانا كرێكارێن بیانی ل گورهی پێدڤیا ههر پارێزگەهەكێ و بازاڕێ كاریه ل ههرێما كوردستانێ، ژبهركو دڤێت بازاڕی پێدڤی ب كرێكاری ههبیت و گۆت؛ بتنێ وان كرێكارێن بشێوهیهكێ قانوونی هاتینه دناڤا ههرێما كوردستانێ مافێ كاركرنێ ههیه، چونكه مۆلهتا ئینانا كرێكارێ بیانی تنێ بۆ ئێك ساله و پشتی تهمام بوونێ دڤێت مۆلهت جارەکا دی بهێته نوی كرن، بهلێ پێدڤیه بۆ دوباره نووكرنا مۆلهتێ ههیڤهكێ بهری مۆلهت دوماهی بهێت داخوازا دوباره نویكرنێ بكهت.
دكتۆر سهلاح ئهنوهر، شیرهتكارێ وهزارهتا كارۆبارێن كۆمهلایهتی د بەردەوامیا ئاخفتنێن خۆدا دیار کر، ل
سالێن بۆری مافێ ههر كرێكارهكی نههاتبیته دان لێپرسین دگهل خودانێ كاری هاتیه كرن و كرێكارێ بیانی وهكی ههر كرێكارهكێ ناڤخۆ مافێن خۆ ههنه و دڤێت بهێنه پاراستن و گۆت؛ لدەف مە ژی وهكی حوكمهتا ههرێما كوردستانێ و وهزارهتا كار جوداهی دناڤبهرا كرێكارێن بیانی و ناڤخۆ نینه، ژبهركو كرێكار ل گورهی قانوونێ كار دكهن و پێدڤیه مافێن ویژی بهێنه پاراستن.
نيشاندان